(॥పల్లవి॥)
ఇవ్వల వెదకితేనే యేమి లేదు
అవ్వలికి దాఁటి మీరు అందుకోరో శుభము
(॥ఇవ్వ॥)
కనురెప్పల తుదలఁ గట్టువడెఁ గాలము
ఘనమై చేతులతుదఁ గర్మమున్నది
మనసు కొట్టఁగొననే మరి దైవమున్నాఁడు
చెనకి యిఁక నెన్నఁడు సేయరో పుణ్యములు
(॥ఇవ్వ॥)
కనకము దాఁటితేనే ఘన సుఖమున్నది
వెనక చీఁకటికొన వెలుఁగున్నది
వనితల అవ్వలనే వరవిజ్ఞాన మున్నది
పనిగొని యితవైతే బ్రదుకరో జీవులు
(॥ఇవ్వ॥)
కాయము కొట్టఁగొననే ఘన వైకుంఠమున్నది
బాయట శ్రీవేంకటపతి వున్నాఁడు
మాయలకొనలనెల్లా మనము నున్నారము
పాయక తెలుసుకొని పట్టరో యీతెరువు
(||pallavi||)
ivvala vĕdagidene yemi ledu
avvaligi dām̐ṭi mīru aṁdugoro śhubhamu
(||ivva||)
kanurĕppala tudalam̐ gaṭṭuvaḍĕm̐ gālamu
ghanamai seduladudam̐ garmamunnadi
manasu kŏṭṭam̐gŏnane mari daivamunnām̐ḍu
sĕnagi yim̐ka nĕnnam̐ḍu seyaro puṇyamulu
(||ivva||)
kanagamu dām̐ṭidene ghana sukhamunnadi
vĕnaga sīm̐kaḍigŏna vĕlum̐gunnadi
vanidala avvalane varavijñāna munnadi
panigŏni yidavaide bradugaro jīvulu
(||ivva||)
kāyamu kŏṭṭam̐gŏnane ghana vaiguṁṭhamunnadi
bāyaḍa śhrīveṁkaḍabadi vunnām̐ḍu
māyalagŏnalanĕllā manamu nunnāramu
pāyaga tĕlusugŏni paṭṭaro yīdĕruvu