ఇట్టివాఁడవు సులభమెట్లా నైతివో కాక
(॥పల్లవి॥)
ఇట్టివాఁడవు సులభమెట్లా నైతివో కాక
అట్టి నీదయ దలఁచి అరుదయ్యీ నాకు
(॥ఇట్టి॥)
యేమేమి చదువవలె నెందరి నడుగవలె
ఆముక నిన్నుఁ దెలిసే యందుకొరకు
భూమిలోన నెంతేసి పుణ్యములు సేయవలె
కామించి నీపై భక్తి గలిగేటికొరకు
(॥ఇట్టి॥)
యెన్నిజన్మా లెత్తవలె నెందెందు వెదకవలె
కన్నుల నీసాకారము గనేకొరకు
వున్నతి నెంతగాలము వొగ్గి కాచుకుండవలె
విన్నవించి నీసేవ వేఁడుకొనేకొరకు
(॥ఇట్టి॥)
యేదేది యెఱఁగవలె యెట్లభ్యసించవలె
నీదాసుఁ డనిపించుకొనేటికొరకు
సాదరాన శ్రీవేంకటేశ్వర నన్ను మన్నించితి-
వేదెసఁ బొగడవలె యింత సేసేకొరకు
(||pallavi||)
iṭṭivām̐ḍavu sulabhamĕṭlā naidivo kāga
aṭṭi nīdaya dalam̐si arudayyī nāgu
(||iṭṭi||)
yememi saduvavalĕ nĕṁdari naḍugavalĕ
āmuga ninnum̐ dĕlise yaṁdugŏragu
bhūmilona nĕṁtesi puṇyamulu seyavalĕ
kāmiṁchi nībai bhakti galigeḍigŏragu
(||iṭṭi||)
yĕnnijanmā lĕttavalĕ nĕṁdĕṁdu vĕdagavalĕ
kannula nīsāgāramu ganegŏragu
vunnadi nĕṁtagālamu vŏggi kāsuguṁḍavalĕ
vinnaviṁchi nīseva vem̐ḍugŏnegŏragu
(||iṭṭi||)
yededi yĕṟam̐gavalĕ yĕṭlabhyasiṁchavalĕ
nīdāsum̐ ḍanibiṁchugŏneḍigŏragu
sādarāna śhrīveṁkaḍeśhvara nannu manniṁchidi-
vedĕsam̐ bŏgaḍavalĕ yiṁta sesegŏragu