ఇట్టిదివో సతిమోహ మిదివో మా విన్నపము
(॥పల్లవి॥)
ఇట్టిదివో సతిమోహ మిదివో మా విన్నపము
యెట్టు వలసినఁ జేయు మిఁక నీ చిత్తము
(॥ఇట్టిది॥)
తరుణి నీకు వలచి తనువె మఱచెఁ గాని
మరులు నీపై భక్తి మఱవదు
గిరమ విరహవడఁ గన్నులు మూసెఁ గాని
నిరతి నీవు వచ్చే వని తలుపే మూయదు
(॥ఇట్టిది॥)
నిండు నీపై చింతచేత నిద్దుర విడిచెఁ గాని
దండి నీ నామజపము తా విడువదు
అండనె సింగారించె యాసలె మానెఁ గాని
నిండుఁ జేత నీకు మొక్కే నేమమే మానదు
(॥ఇట్టిది॥)
చిక్కి యిట్టెఁ నిన్నుఁ గూడి సిగ్గులతోఁ బాసెఁ గాని
తక్కక నీ సరసము తాఁ బాయదు
మిక్కిలి శ్రీవెంకటేశ మెచ్చ నిన్ను నేర్చెఁ గాని
చక్క నీ వెటు సేసినా సాదించ నేరదు
(||pallavi||)
iṭṭidivo sadimoha midivo mā vinnabamu
yĕṭṭu valasinam̐ jeyu mim̐ka nī sittamu
(||iṭṭidi||)
taruṇi nīgu valasi tanuvĕ maṟasĕm̐ gāni
marulu nībai bhakti maṟavadu
girama virahavaḍam̐ gannulu mūsĕm̐ gāni
niradi nīvu vachche vani talube mūyadu
(||iṭṭidi||)
niṁḍu nībai siṁtaseda niddura viḍisĕm̐ gāni
daṁḍi nī nāmajabamu tā viḍuvadu
aṁḍanĕ siṁgāriṁchĕ yāsalĕ mānĕm̐ gāni
niṁḍum̐ jeda nīgu mŏkke nemame mānadu
(||iṭṭidi||)
sikki yiṭṭĕm̐ ninnum̐ gūḍi sigguladom̐ bāsĕm̐ gāni
takkaga nī sarasamu tām̐ bāyadu
mikkili śhrīvĕṁkaḍeśha mĕchcha ninnu nersĕm̐ gāni
sakka nī vĕḍu sesinā sādiṁcha neradu