ఇట్టి యవివేకబుద్ధి యే పనికి వచ్చునిఁక
(॥పల్లవి॥)
ఇట్టి యవివేకబుద్ధి యే పనికి వచ్చునిఁక
జట్టిగొని నాగుణము చక్కఁజేయఁ గదవే
(॥ఇట్టి॥)
హరి నీయిచ్చఁ బ్రపంచమంతా నీవు నడపఁగ
అరసి నీశక్తి దెలియక నమ్మక
వెర వెరఁగనియట్టి వెఱ్ఱివాఁడ నే నొక్క-
దొరనంటాఁ బనుల కుద్యోగించేను
(॥ఇట్టి॥)
అంతరాత్మవై నీవు అన్నియుఁ బెర రేఁచఁగ
బంతినే నీ మహిమెల్లా భావించక
చెంత నీసంసారము సేసేవాఁడ నే నంటా
దొంతుల కోరికలతోఁ దూరిపారేను
(॥ఇట్టి॥)
ఆదినుండి స్వతంత్రుఁడవై యేలినట్టి నిన్ను
సోదించి శరణు నాఁడే చొరఁగలేక
యీదెస శ్రీవేంకటేశ యిప్పుడు నీదాఁసుడనై
నీ దయ కలిమితోడ నేఁడు మొక్కేను
(||pallavi||)
iṭṭi yavivegabuddhi ye panigi vachchunim̐ka
jaṭṭigŏni nāguṇamu sakkam̐jeyam̐ gadave
(||iṭṭi||)
hari nīyichcham̐ brabaṁchamaṁtā nīvu naḍabam̐ga
arasi nīśhakti dĕliyaga nammaga
vĕra vĕram̐ganiyaṭṭi vĕṭrivām̐ḍa ne nŏkka-
dŏranaṁṭām̐ banula kudyogiṁchenu
(||iṭṭi||)
aṁtarātmavai nīvu anniyum̐ bĕra rem̐sam̐ga
baṁtine nī mahimĕllā bhāviṁchaga
sĕṁta nīsaṁsāramu sesevām̐ḍa ne naṁṭā
dŏṁtula korigaladom̐ dūribārenu
(||iṭṭi||)
ādinuṁḍi svadaṁtrum̐ḍavai yelinaṭṭi ninnu
sodiṁchi śharaṇu nām̐ḍe sŏram̐galega
yīdĕsa śhrīveṁkaḍeśha yippuḍu nīdām̐suḍanai
nī daya kalimidoḍa nem̐ḍu mŏkkenu