ఇట్టి సుద్దులితనివి ఇదివో కొలువున్నాఁడు
(॥పల్లవి॥)
ఇట్టి సుద్దులితనివి ఇదివో కొలువున్నాఁడు
నట్టనడుమ నీ సుగ్రీవనారసింహుఁడు
(॥ఇట్టి॥)
పగలూ రాతిరీఁ గాని పటు సంధ్యా కాలమందు
మొగిఁ బచ్చీ వెచ్చీగాని మొనగోళ్ళచే
గగనమూ నేలాఁ గాని గనమైన తొడమీఁద
నగుతా హిరణ్యుఁ గొట్టె నరసింహ దేవుఁడు
(॥ఇట్టి॥)
వెలుపలా లోనాఁ గాని వెడఁగుగడపమీఁద
తలి తండ్రి గాని యట్టి తావునఁ బుట్టి
మొలచి చిగిరించని ముదురుఁగోరలతోడ
నలి హిరణ్యు జంకించె నరసింహ దేవుఁడు
(॥ఇట్టి॥)
మానిసీ మెకమూఁగాని మంచి యాకారముతోడ
పూని యిల్లూఁ బందిలీఁ గాని గుహలో
ఆనుక హిరణ్యుని నడఁచీ శ్రీ వేంకటాద్రి
నానా దిక్కుల నేలిన నరసింహ దేవుఁడు
(||pallavi||)
iṭṭi suddulidanivi idivo kŏluvunnām̐ḍu
naṭṭanaḍuma nī sugrīvanārasiṁhum̐ḍu
(||iṭṭi||)
pagalū rādirīm̐ gāni paḍu saṁdhyā kālamaṁdu
mŏgim̐ bachchī vĕchchīgāni mŏnagoḽḽase
gaganamū nelām̐ gāni ganamaina tŏḍamīm̐da
nagudā hiraṇyum̐ gŏṭṭĕ narasiṁha devum̐ḍu
(||iṭṭi||)
vĕlubalā lonām̐ gāni vĕḍam̐gugaḍabamīm̐da
tali taṁḍri gāni yaṭṭi tāvunam̐ buṭṭi
mŏlasi sigiriṁchani mudurum̐goraladoḍa
nali hiraṇyu jaṁkiṁchĕ narasiṁha devum̐ḍu
(||iṭṭi||)
mānisī mĕgamūm̐gāni maṁchi yāgāramudoḍa
pūni yillūm̐ baṁdilīm̐ gāni guhalo
ānuga hiraṇyuni naḍam̐sī śhrī veṁkaḍādri
nānā dikkula nelina narasiṁha devum̐ḍu