ఇట్టి నాస్తికుల మాట యేమని నమ్మెడి దిఁక
(॥పల్లవి॥)
ఇట్టి నాస్తికుల మాట యేమని నమ్మెడి దిఁక
పట్టి సములమంటానే భక్తుల దూషింతురు
(॥ఇట్టి॥)
వేదములు చదువుతా విశ్వమెల్లాఁ గల్లనేరు
ఆ దెస తాము పుట్టుండి అదియును మాయనేరు
పాదగు విష్ణుడుండఁగ బయలు తత్త్వమనేరు
లేదు జీవత్వమంటా లేమలఁ బొందుదురు
(॥ఇట్టి॥)
తిరమై తమఇండ్ల దేవపూజలు సేసేరు
ధరలోన తముఁ దామే దైవమనేరు
అరయఁ గర్మమె బ్రహ్మమని యాచరించేరు
సరి నదే కాదని సన్యసించేరు
(॥ఇట్టి॥)
అందుక పురుషసూక్త మర్థముఁ జెప్పుదురు
కందువ నప్పటి నిరాకార మందురు
యిందులో శ్రీవేంకటేశ యిటె నీ దాసులుఁ గాక
మందపు రాక్షసులాడే మతము నడతురు
(||pallavi||)
iṭṭi nāstigula māḍa yemani nammĕḍi dim̐ka
paṭṭi samulamaṁṭāne bhaktula dūṣhiṁturu
(||iṭṭi||)
vedamulu saduvudā viśhvamĕllām̐ gallaneru
ā dĕsa tāmu puṭṭuṁḍi adiyunu māyaneru
pādagu viṣhṇuḍuṁḍam̐ga bayalu tattvamaneru
ledu jīvatvamaṁṭā lemalam̐ bŏṁduduru
(||iṭṭi||)
tiramai tamaiṁḍla devabūjalu seseru
dharalona tamum̐ dāme daivamaneru
arayam̐ garmamĕ brahmamani yāsariṁcheru
sari nade kādani sanyasiṁcheru
(||iṭṭi||)
aṁduga puruṣhasūkta mardhamum̐ jĕppuduru
kaṁduva nappaḍi nirāgāra maṁduru
yiṁdulo śhrīveṁkaḍeśha yiḍĕ nī dāsulum̐ gāga
maṁdabu rākṣhasulāḍe madamu naḍaduru