ఇట్టి ముద్దులాఁడి బాలుఁడేడ వాఁడు
(॥పల్లవి॥)
ఇట్టి ముద్దులాఁడి బాలుఁడేడ వాఁడు - వాని
బట్టి తెచ్చి పొట్టనిండఁ బాలు వోయరే
(॥ఇట్టి॥)
గామిడై పారితెంచి కాఁగెడి వెన్నలలోన
చేమ పూవు కడియాల చేయిపెట్టి
చీమ గుట్టెనని తన చెక్కిటఁ గన్నీరు జార
వేమరు వాపోయే వాని వెడ్డు వెట్టరే
(॥ఇట్టి॥)
ముచ్చువలె వచ్చి తన ముంగమురువుల చేయి
తచ్చెడి పెరుగులోన తగఁ బెట్టి
నొచ్చెనని చేయిదీసి నోరనెల్ల జొల్లుగార
వొచ్చెలి వాపోవువాని నూరడించరే
(॥ఇట్టి॥)
ఎప్పుడు వచ్చెనో మాయిల్లుచొచ్చి పెట్టెలోని
చెప్పరాని వుంగరాల చేయిపెట్టి
అప్పఁడైన వేంకటాద్రి అసవాలకుఁడు గాన
తప్పకుండఁబెట్టె వాని తలకెత్తరే
(||pallavi||)
iṭṭi muddulām̐ḍi bālum̐ḍeḍa vām̐ḍu - vāni
baṭṭi tĕchchi pŏṭṭaniṁḍam̐ bālu voyare
(||iṭṭi||)
gāmiḍai pāridĕṁchi kām̐gĕḍi vĕnnalalona
sema pūvu kaḍiyāla seyibĕṭṭi
sīma guṭṭĕnani tana sĕkkiḍam̐ gannīru jāra
vemaru vāboye vāni vĕḍḍu vĕṭṭare
(||iṭṭi||)
muchchuvalĕ vachchi tana muṁgamuruvula seyi
tachchĕḍi pĕrugulona tagam̐ bĕṭṭi
nŏchchĕnani seyidīsi noranĕlla jŏllugāra
vŏchchĕli vābovuvāni nūraḍiṁchare
(||iṭṭi||)
ĕppuḍu vachchĕno māyillusŏchchi pĕṭṭĕloni
sĕpparāni vuṁgarāla seyibĕṭṭi
appam̐ḍaina veṁkaḍādri asavālagum̐ḍu gāna
tappaguṁḍam̐bĕṭṭĕ vāni talagĕttare