ఇట్టి బ్రాహ్మణ్య మెక్కుడు యిన్నిటిలోన
(॥పల్లవి॥)
ఇట్టి బ్రాహ్మణ్య మెక్కుడు యిన్నిటిలోన
దట్టమై తదియ్యులకె తగును బ్రాహ్మణ్యము
(॥ఇట్టి॥)
హరిఁ గొలిచేవారి కమరు బ్రాహ్మణ్యము
పరమవైష్ణవమే పో బ్రాహ్మణ్యము
హరిణోర్ధ్వపుండ్రదేహులౌటే బ్రాహ్మణ్యము
తిరుమంత్రవిధులదే తేఁకువ బ్రాహ్మణ్యము
(॥ఇట్టి॥)
సతమై చక్రాంకితుల చరితే బ్రాహ్మణ్యము
పతి శరణాగతియే బ్రాహ్మణ్యము
వెతలేని వీరలసాత్వికమే బ్రాహ్మణ్యము
తతి ద్వయాధికారులే తప్పరు బ్రాహ్మణ్యము
(॥ఇట్టి॥)
అంచఁ బరమభాగవతాధీనము బ్రాహ్మణ్యము
పంచంసంస్కారాదులదే బ్రాహ్మణ్యము
యెంచఁగ శ్రీవేంకటేశుఁ డితఁడేఁ బ్రాహ్మణ్యుఁడు
ముంచి యీతనివారౌటే మొదలి బ్రాహ్మణ్యము
(||pallavi||)
iṭṭi brāhmaṇya mĕkkuḍu yinniḍilona
daṭṭamai tadiyyulagĕ tagunu brāhmaṇyamu
(||iṭṭi||)
harim̐ gŏlisevāri kamaru brāhmaṇyamu
paramavaiṣhṇavame po brāhmaṇyamu
hariṇordhvabuṁḍradehulauḍe brāhmaṇyamu
tirumaṁtravidhulade tem̐kuva brāhmaṇyamu
(||iṭṭi||)
sadamai sakrāṁkidula saride brāhmaṇyamu
padi śharaṇāgadiye brāhmaṇyamu
vĕdaleni vīralasātvigame brāhmaṇyamu
tadi dvayādhigārule tapparu brāhmaṇyamu
(||iṭṭi||)
aṁcham̐ baramabhāgavadādhīnamu brāhmaṇyamu
paṁchaṁsaṁskārādulade brāhmaṇyamu
yĕṁcham̐ga śhrīveṁkaḍeśhum̐ ḍidam̐ḍem̐ brāhmaṇyum̐ḍu
muṁchi yīdanivārauḍe mŏdali brāhmaṇyamu