ఇట్టె జ్ఞానమాత్రమున నెవ్వరైనా ముక్తులే
(॥పల్లవి॥)
ఇట్టె జ్ఞానమాత్రమున నెవ్వరైనా ముక్తులే
పుట్టుగులు మరి లేవు పొందుదురు మోక్షము
(॥ఇట్టె॥)
అతిసూక్ష్మ మీయాత్మ అందులో హరి యున్నాఁడు
కతలే వినుటగాని కానరాదు
క్షితి దేహాలు ప్రకృతిఁ జెందిన వికారములు
మతి నిది దెలియుటే మహిత సుజ్ఞానము
(॥ఇట్టె॥)
లోకము శ్రీపతియాజ్ఞలో తత్త్వా లిరువదినాల్గు
కైకొని సేఁతలు సేసీఁ గర్తలు లేరు
సాకిరింతే జీవుఁడు స్వతంత్రుఁడు దేవుఁడు
యీకొలఁది గని సుఖియించుటే సుజ్ఞానము
(॥ఇట్టె॥)
కాలము దైవము సృష్టి కలి మన్యుల భాగ్యము (?)
వాలాయించి యెవ్వరికి వచింపరాదు
యీలీలలు శ్రీవేంకటేశునివి ఆచార్యుఁడు
తాలిమిఁ జెప్పగా విని తలఁచుటే సుజ్ఞానము
(||pallavi||)
iṭṭĕ jñānamātramuna nĕvvarainā muktule
puṭṭugulu mari levu pŏṁduduru mokṣhamu
(||iṭṭĕ||)
adisūkṣhma mīyātma aṁdulo hari yunnām̐ḍu
kadale vinuḍagāni kānarādu
kṣhidi dehālu prakṛtim̐ jĕṁdina vigāramulu
madi nidi dĕliyuḍe mahida sujñānamu
(||iṭṭĕ||)
logamu śhrībadiyājñalo tattvā liruvadinālgu
kaigŏni sem̐talu sesīm̐ gardalu leru
sāgiriṁte jīvum̐ḍu svadaṁtrum̐ḍu devum̐ḍu
yīgŏlam̐di gani sukhiyiṁchuḍe sujñānamu
(||iṭṭĕ||)
kālamu daivamu sṛṣhṭi kali manyula bhāgyamu (?)
vālāyiṁchi yĕvvarigi vasiṁparādu
yīlīlalu śhrīveṁkaḍeśhunivi āsāryum̐ḍu
tālimim̐ jĕppagā vini talam̐suḍe sujñānamu