Ittiri neram aahaa [jyodi ratnannal]

ഇത്തിരി നേരം ഇത്തിരി നേരം ഇത്തിരി നേരം
ഒത്തിരി കാര്യം ഒത്തിരി കാര്യം ഒത്തിരി കാര്യം
ഇത്തിരി നേരം.... ഒത്തിരി കാര്യം.....
ഇത്തിരി നേരം.... ഒത്തിരി കാര്യം.....

ജ്യോതിരത്നങ്ങള്‍ പ്രഭ ചൊരിഞ്ഞീടും
ചേതോഹരമാം വിശാലതയില്‍
രാശിചക്രം തെളിയുന്നു - ഓരോ
ദോഷഗ്രഹങ്ങളണയുന്നു...
ഇതുതന്നെ ചൂതുപടം...
ഇവിടിന്നും റാണിമാര്‍ വാഴുന്നു
പൊരുതി മരിക്കുന്നു നമ്മള്‍ - വെറുതെ
പൊരുതി ചോരയൊഴുക്കുന്നു....

(ഇത്തിരി...)

യന്ത്രങ്ങളാല്‍ വിശ്വമണ്ഡലമടക്കാന്‍
തന്ത്രങ്ങളൊരുക്കിയ മനുഷ്യന്‍...
സ്വന്തം മനസ്സിന്റെ സിദ്ധികള്‍ മുഴുവന്‍
യന്ത്രങ്ങള്‍ക്കായ് മുടിച്ചുവല്ലോ, പര-
തന്ത്രത്തിലകപ്പെട്ടു വലഞ്ഞുവല്ലോ

(ഇത്തിരി...)

ഇതളിടും പൂക്കളും പ്രണയകാവ്യങ്ങളും
മൃദുല മോഹനസ്വപ്‌നങ്ങളും...
തഴുകുന്ന താരുണ്യമനസ്സുകള്‍ക്കറിയുമോ
അഴലിന്‍ തരിശുനിലങ്ങള്‍....

(ഇത്തിരി...)