Vennayo vennilaavuranyanyaado

വെണ്ണയോ വെണ്ണിലാവുറഞ്ഞതോ
വെളുത്തപെണ്ണേ നിന്റെ പൂമേനി!
കവിതയോ കവിയുമിന്ദ്രജാലമോ
കറുത്തകണ്ണില്‍ കണ്ടപൂന്തോണീ!

തൊട്ടുരുമ്മിയൊന്നുചേര്‍ന്നൊഴുകിവന്നു
ഈ കുട്ടനാടന്‍ കായലിലെഹംസങ്ങള്‍
ചെണ്ടണിഞ്ഞു തേനലകള്‍ തുളുമ്പിനിന്നു നിന്നെ
കണ്ടനാള്‍ വിടര്‍ന്നൊരെന്റെ സ്വപ്നങ്ങള്‍
സ്വപ്നങ്ങള്‍.....

മന്ദഹാസലോലയായ് നീ വന്നണയുമ്പോള്‍ എന്റെ
മാനസത്തില്‍ മൊട്ടിടുന്നു മോഹങ്ങള്‍
പുളകമായ് നീ കല്പനയില്‍ പൊട്ടിവിടര്‍ന്നാല്‍ ആകെ
പൂത്തുലയും നിര്‍വൃതിതന്‍ പുഷ്പങ്ങള്‍
പുഷ്പങ്ങള്‍...........