ఇరవుగా నిన్నెరిఁగిరి యిదివో నీదాసులు
(॥పల్లవి॥)
ఇరవుగా నిన్నెరిఁగిరి యిదివో నీదాసులు
పరదైవములమీఁద నొల వేయనేల పనిలేవు నీమాయలు కరుణానిధీ
(॥ఇరు॥)
ముంచెను నీపాదములు మూఁడులోకములయందును
యెంచెను నీ వేయినామాలు యిలలో వేదవ్యాసుఁడు
చంచులఁ దలఁచిరి నిన్ను మున్నే సనకాదియోగీంద్రులు
పొంచి యింకా నీకు దాఁగఁ జోటు లేదు యిందు బొడచూపవే యింకవెడమాయలేలా
(॥ఇరు॥)
కొనెను నీపాదతీర్థము బ్రహ్మ కోరి నీపాదము గడిగి
వినుతించె నీమహిమ తొల్లె వేయినోళ్లుగల శేషుఁడు
అనిరి నిన్నెక్కుడనుచు మొదల శుకాది మునీంద్రులెల్లా
పొనిగి నీవు మాయ సేయఁ జోటు లేదు మమ్ము పొసఁగి యేలుకోవె పురుషోత్తముఁడా
(॥ఇరు॥)
యెక్కెను ధ్రువుఁడు పట్టము యిదివో నిన్నుఁ గొలిచి
చిక్కెను నీశరణాగతి నేఁడు శ్రీవైష్ణవులచేతను
గక్కన శ్రీవేంకటేశుఁడా యిట్టె కాచితివి మాటకే మమ్ము
యిక్కడ నీమాయసేయఁ జోటులేదు నిన్నునెరిఁగిరి నీదాసులిందిరారమణా
(||pallavi||)
iravugā ninnĕrim̐giri yidivo nīdāsulu
paradaivamulamīm̐da nŏla veyanela panilevu nīmāyalu karuṇānidhī
(||iru||)
muṁchĕnu nībādamulu mūm̐ḍulogamulayaṁdunu
yĕṁchĕnu nī veyināmālu yilalo vedavyāsum̐ḍu
saṁchulam̐ dalam̐siri ninnu munne sanagādiyogīṁdrulu
pŏṁchi yiṁkā nīgu dām̐gam̐ joḍu ledu yiṁdu bŏḍasūbave yiṁkavĕḍamāyalelā
(||iru||)
kŏnĕnu nībādadīrdhamu brahma kori nībādamu gaḍigi
vinudiṁchĕ nīmahima tŏllĕ veyinoḽlugala śheṣhum̐ḍu
aniri ninnĕkkuḍanusu mŏdala śhugādi munīṁdrulĕllā
pŏnigi nīvu māya seyam̐ joḍu ledu mammu pŏsam̐gi yelugovĕ puruṣhottamum̐ḍā
(||iru||)
yĕkkĕnu dhruvum̐ḍu paṭṭamu yidivo ninnum̐ gŏlisi
sikkĕnu nīśharaṇāgadi nem̐ḍu śhrīvaiṣhṇavulasedanu
gakkana śhrīveṁkaḍeśhum̐ḍā yiṭṭĕ kāsidivi māḍage mammu
yikkaḍa nīmāyaseyam̐ joḍuledu ninnunĕrim̐giri nīdāsuliṁdirāramaṇā