(॥పల్లవి॥)
ఇరవగువారికి యిహపర మిదియే
హరిసేవే సర్వాత్మలకు
(॥ఇర॥)
దురితమోచనము దుఃఖపరిహరము
హరినామమెపో ఆత్మలకు
పరమపదంబును భవనిరుహరణము
పరమాత్ముచింతే ప్రపన్నులకు
(॥ఇర॥)
సారము ధనములు సంతోషకరములు
శౌరికథలు సంసారులకు
కోరినకోర్కియు కొంగుబంగరువు
సారె విష్ణుదాస్యము లోకులకు
(॥ఇర॥)
యిచ్చయగుసుఖము యిరవగుపట్టము
అచ్చుతుకృప మోక్షార్థులకు
అచ్చపు శ్రీవేంకటాధిపు శరణము
రచ్చల మాపాలిరాజ్యపు సుగతి
(||pallavi||)
iravaguvārigi yihabara midiye
hariseve sarvātmalagu
(||ira||)
duridamosanamu duḥkhabariharamu
harināmamĕbo ātmalagu
paramabadaṁbunu bhavaniruharaṇamu
paramātmusiṁte prabannulagu
(||ira||)
sāramu dhanamulu saṁtoṣhagaramulu
śhaurigathalu saṁsārulagu
korinagorgiyu kŏṁgubaṁgaruvu
sārĕ viṣhṇudāsyamu logulagu
(||ira||)
yichchayagusukhamu yiravagubaṭṭamu
achchudukṛpa mokṣhārdhulagu
achchabu śhrīveṁkaḍādhibu śharaṇamu
rachchala mābālirājyabu sugadi