Nee kaanumo

നീ കാണുമോ തേങ്ങുമെന്നുള്‍ക്കടല്‍
രജനീ അറിയുമോ വിങ്ങുമീ ഗദ്ഗദം
വെറുതെയെന്നാലും ഓര്‍മ്മ വന്നെന്‍ മിഴി നിറഞ്ഞു
മിണ്ടുവാന്‍ കൊതിയുമായെന്‍ കരള്‍ പിടഞ്ഞു
(നീ)

എന്‍ വാക്കുകള്‍ വാടിവീണ പൂക്കളായ്
മൂകസന്ധ്യയില്‍ അന്യയായ് മാറി ഞാന്‍
കൂടണഞ്ഞു കതിരുകാണാക്കിളി
എവിടെയോ മാഞ്ഞുപോയ് സാന്ത്വനങ്ങള്‍
(നീ)

പാഴ്‌മണ്ണിലെ ബാഷ്പധാരയാണു ഞാന്‍
വിരഹരാത്രിതന്‍ പാതിരാച്ചിന്തു ഞാന്‍
ഒന്നു കേള്‍ക്കൂ ജീവിതം പോയൊരീ
പാഴ്‌മുളം തണ്ടിലെ നൊമ്പരങ്ങള്‍
(നീ)