ఇప్పుడుగాక మఱి యిఁకనెన్నఁడు
(॥పల్లవి॥)
ఇప్పుడుగాక మఱి యిఁకనెన్నఁడు
గుప్పేటి కానుక లందుకొనవయ్య
(॥ఇప్పుడు॥)
పొలితి నీవద్దనుండి బుద్దులెల్లాఁ జెప్పఁగాను
చెలఁగి పారుపత్యాలు సేయవయ్యా
పలుమారునాకె రాయబారాలకు నడవఁగ
కొలువులు సేయించుకొనవయ్యా
(॥ఇప్పుడు॥)
అంగనలిందరని నీకతివ లెక్క చెప్పఁగ
చెంగటఁ గళ దింపుచుఁ జెన్నొందవయ్యా
సంగతిగా నాపె యవసరములు చెప్పఁగాను
అంగీకరించి యట్టె ఆదరించవయ్యా
(॥ఇప్పుడు॥)
అక్కజమై సతి నీకు నడపము పట్టఁగాను
పెక్కు వీడేలింతులకుఁ బెట్టవయ్యా
యిక్కువతో శ్రీ వేంకటేశ నన్నుఁ గూడితివి
మక్కువ తోడుతనిట్టే మన్నించవయ్యా
(||pallavi||)
ippuḍugāga maṟi yim̐kanĕnnam̐ḍu
guppeḍi kānuga laṁdugŏnavayya
(||ippuḍu||)
pŏlidi nīvaddanuṁḍi buddulĕllām̐ jĕppam̐gānu
sĕlam̐gi pārubatyālu seyavayyā
palumārunāgĕ rāyabārālagu naḍavam̐ga
kŏluvulu seyiṁchugŏnavayyā
(||ippuḍu||)
aṁganaliṁdarani nīgadiva lĕkka sĕppam̐ga
sĕṁgaḍam̐ gaḽa diṁpusum̐ jĕnnŏṁdavayyā
saṁgadigā nābĕ yavasaramulu sĕppam̐gānu
aṁgīgariṁchi yaṭṭĕ ādariṁchavayyā
(||ippuḍu||)
akkajamai sadi nīgu naḍabamu paṭṭam̐gānu
pĕkku vīḍeliṁtulagum̐ bĕṭṭavayyā
yikkuvado śhrī veṁkaḍeśha nannum̐ gūḍidivi
makkuva toḍudaniṭṭe manniṁchavayyā