(॥పల్లవి॥)
ఇప్పుడిటు విభుఁ బాసి యింతలోననె నేఁడు
తప్పు లోపలి తప్పు దైవమా చెలికి
(॥ఇప్పు॥)
నగవు లోపలి యలపు నంపైన పొలయలుక
పగటు లోపలి వెరగు పచ్చివేఁడి
మొగము కాంతుల మెఱపు ముంచు నలకల చెదరు
పగలు చీఁకట్లాయె బాపురా చెలికి
(॥ఇప్పు॥)
బలిమి లోపలి భయము పలుకుఁదేనెల కనరు
చెలిమి లోపలి చేఁదుచింత చెలికి
బలుపుఁగుచముల లోని బట్టబయ లగు నడుము
కలిమి లోపలి లేమి కటకటా చెలికి
(॥ఇప్పు॥)
నిడుపు లోపలి కురుచ నీడలోపలియెండ
వడిమంచి తరువు విడువని తమకము
కడువేంకటేశ్వరుని కౌఁగిటను పరవశము
మడుఁగు లోపలి మైల మాన దీ చెలికి
(||pallavi||)
ippuḍiḍu vibhum̐ bāsi yiṁtalonanĕ nem̐ḍu
tappu lobali tappu daivamā sĕligi
(||ippu||)
nagavu lobali yalabu naṁpaina pŏlayaluga
pagaḍu lobali vĕragu pachchivem̐ḍi
mŏgamu kāṁtula mĕṟabu muṁchu nalagala sĕdaru
pagalu sīm̐kaṭlāyĕ bāburā sĕligi
(||ippu||)
balimi lobali bhayamu palugum̐denĕla kanaru
sĕlimi lobali sem̐dusiṁta sĕligi
balubum̐gusamula loni baṭṭabaya lagu naḍumu
kalimi lobali lemi kaḍagaḍā sĕligi
(||ippu||)
niḍubu lobali kurusa nīḍalobaliyĕṁḍa
vaḍimaṁchi taruvu viḍuvani tamagamu
kaḍuveṁkaḍeśhvaruni kaum̐giḍanu paravaśhamu
maḍum̐gu lobali maila māna dī sĕligi