(॥పల్లవి॥)
ఇప్పుడిటు కలగంటి నెల్ల లోకములకు-
నప్పఁడగు తిరువేంకటాద్రీశుఁ గంటి
(॥ఇప్పు॥)
అతిశయంబైన శేషాద్రిశిఖరము గంటి
ప్రతిలేని గోపురప్రభలు గంటి
శతకోటి సూర్యతేజములు వెలుఁగఁగఁ గంటి
చతురాస్యుఁ బొడగంటి చయ్యన మేలుకంటి
(॥ఇప్పు॥)
కనకరత్నకవాటకాంతు లిరుగడఁగంటి
ఘనమైన దీపసంఘములు గంటి
అనుపమమణిమయమగు కిరీటము గంటి
కనకాంబరము గంటి గక్కన మేలుకంటి
(॥ఇప్పు॥)
అరుదైన శంఖచక్రాదులిరుగడఁ గంటి
సరిలేని అభయహస్తము గంటిని
తిరు వేంకటాచలాధిపునిఁ జూడఁగఁ గంటి
హరిఁ గంటి గురుఁ గంటి నంతట మేలుకంటి
(||pallavi||)
ippuḍiḍu kalagaṁṭi nĕlla logamulagu-
nappam̐ḍagu tiruveṁkaḍādrīśhum̐ gaṁṭi
(||ippu||)
adiśhayaṁbaina śheṣhādriśhikharamu gaṁṭi
pradileni goburaprabhalu gaṁṭi
śhadagoḍi sūryadejamulu vĕlum̐gam̐gam̐ gaṁṭi
sadurāsyum̐ bŏḍagaṁṭi sayyana melugaṁṭi
(||ippu||)
kanagaratnagavāḍagāṁtu lirugaḍam̐gaṁṭi
ghanamaina dībasaṁghamulu gaṁṭi
anubamamaṇimayamagu kirīḍamu gaṁṭi
kanagāṁbaramu gaṁṭi gakkana melugaṁṭi
(||ippu||)
arudaina śhaṁkhasakrādulirugaḍam̐ gaṁṭi
sarileni abhayahastamu gaṁṭini
tiru veṁkaḍāsalādhibunim̐ jūḍam̐gam̐ gaṁṭi
harim̐ gaṁṭi gurum̐ gaṁṭi naṁtaḍa melugaṁṭi