ఇప్పుడే తెలుసుకో నీకెఱఁగ విన్నవించితి
(॥పల్లవి॥)
ఇప్పుడే తెలుసుకో నీకెఱఁగ విన్నవించితి
కొప్పువ ట్టీకె దీసితే గుంపించఁ గలవా
(॥ఇప॥)
పుత్తడిబొమ్మవలె పూచిన లతికవలె
చిత్తరుపతిమెవలెఁ జెలి యున్నది
మత్తిల్లి యప్పటి నేఁడు మాతో నేమినవ్వేవు
వొత్తుకాపె విలిచితేఁ బోకుండఁగలవా
(॥ఇప॥)
కొసరుఁగోయిలవలె కొలనితుమ్మిదవలె
పసని చిలుకవలెఁ బలికీనాపె
నసలు సేయుచు నిట్టే నాతో మాటలాడేవు
వొసగితే విడెమాకె వొల్లననఁగలవా
(॥ఇప॥)
మెత్తినగందమువలె మెడకంటసరివలె
ముత్తెమువలెనే వురమున నుందాకె
హత్తి శ్రీవేంకటేశుఁడ అట్టె నన్నుఁగూడితివి
బత్తి సేసితివాపెతోఁ బంతమాడఁగలవా
(||pallavi||)
ippuḍe tĕlusugo nīgĕṟam̐ga vinnaviṁchidi
kŏppuva ṭṭīgĕ dīside guṁpiṁcham̐ galavā
(||iba||)
puttaḍibŏmmavalĕ pūsina ladigavalĕ
sittarubadimĕvalĕm̐ jĕli yunnadi
mattilli yappaḍi nem̐ḍu mādo neminavvevu
vŏttugābĕ vilisidem̐ boguṁḍam̐galavā
(||iba||)
kŏsarum̐goyilavalĕ kŏlanidummidavalĕ
pasani silugavalĕm̐ baligīnābĕ
nasalu seyusu niṭṭe nādo māḍalāḍevu
vŏsagide viḍĕmāgĕ vŏllananam̐galavā
(||iba||)
mĕttinagaṁdamuvalĕ mĕḍagaṁṭasarivalĕ
muttĕmuvalĕne vuramuna nuṁdāgĕ
hatti śhrīveṁkaḍeśhum̐ḍa aṭṭĕ nannum̐gūḍidivi
batti sesidivābĕdom̐ baṁtamāḍam̐galavā