ఇన్నియుఁ గొత్తలు దోఁచె నింతలోనె చెలి నీకు
(॥పల్లవి॥)
ఇన్నియుఁ గొత్తలు దోఁచె నింతలోనె చెలి నీకు
విన్నని నగవు లెస్సవిధ మేఁటి కాయెనే
(॥ఇన్నియు॥)
పెట్టిన కస్తూరి బొట్టు పెదవిపై కేలా జాఱె
కట్టిన చెంగావి కెంపు కన్నుల కే లెక్కెనె
పుట్టిన లేఁజమటలు పులక లేఁటికిఁ గప్పె
పట్టిన తామరమొగ్గ పదనేఁటి కాయెనే
(॥ఇన్నియు॥)
కప్పినపయ్యదకొంగు కడకు నేఁటికి జాఱె
తిప్పిన మొగములోన తెలివేటిఁకుండెనే
చెప్పినమాటలలోన చిఱునవ్వు లేల తోఁచె
ఒప్పైన చెలువ నీకు నొరుపేఁటి కాయెనే
(॥ఇన్నియు॥)
నిండిన సైరణలకు నిజ మేల లేదాయె
పండిన కోరికలకు ప్రాణ మేల వచ్చెనే
కొండలలో నెలకొన్న కోనేటిరాయఁడు గూడె
యెండ లేని నీడ నీకు నితవేల ఆయెనే
(||pallavi||)
inniyum̐ gŏttalu dom̐sĕ niṁtalonĕ sĕli nīgu
vinnani nagavu lĕssavidha mem̐ṭi kāyĕne
(||inniyu||)
pĕṭṭina kastūri bŏṭṭu pĕdavibai kelā jāṟĕ
kaṭṭina sĕṁgāvi kĕṁpu kannula ke lĕkkĕnĕ
puṭṭina lem̐jamaḍalu pulaga lem̐ṭigim̐ gappĕ
paṭṭina tāmaramŏgga padanem̐ṭi kāyĕne
(||inniyu||)
kappinabayyadagŏṁgu kaḍagu nem̐ṭigi jāṟĕ
tippina mŏgamulona tĕliveḍim̐kuṁḍĕne
sĕppinamāḍalalona siṟunavvu lela tom̐sĕ
ŏppaina sĕluva nīgu nŏrubem̐ṭi kāyĕne
(||inniyu||)
niṁḍina sairaṇalagu nija mela ledāyĕ
paṁḍina korigalagu prāṇa mela vachchĕne
kŏṁḍalalo nĕlagŏnna koneḍirāyam̐ḍu gūḍĕ
yĕṁḍa leni nīḍa nīgu nidavela āyĕne