ఇన్నియు నేమి సేయునె యింపు లిన్నియునుఁ గూడి
(॥పల్లవి॥)
ఇన్నియు నేమి సేయునె యింపు లిన్నియునుఁ గూడి
కన్నెపాయాననె నన్నుఁ గలికి జేయఁగను
(॥ఇన్ని॥)
మన సేమి సేయునె మచ్చిక యీవలపులు
కొనసాగి లోలోనె గుబ్బతిలఁగా
తను వేమి సేయునె తతిగొన్న తమకము
వెనుకొని పోనీక వీరిడిఁ జేయఁగను
(॥ఇన్ని॥)
చూపు లేమి సేయునే సుడిగొన్న జవ్వనము
పై పైఁ దీపు లెక్కించి భ్రమయించఁగా
కోప మేమి సేయునె గురియై యీ విరహము
ఆపసోపాలె రేఁచి అలయించఁగాను
(॥ఇన్ని॥)
పులక లేమి సేయునె పోదియై పతికాఁగిలి
కళలలోని మర్మాలు గలఁచఁగాను
చెలువ మేమి సేయునె శ్రీవెంకటనాథుఁడు
సొలపులరతిఁ గూడి చొక్కించఁగాను
(||pallavi||)
inniyu nemi seyunĕ yiṁpu linniyunum̐ gūḍi
kannĕbāyānanĕ nannum̐ galigi jeyam̐ganu
(||inni||)
mana semi seyunĕ machchiga yīvalabulu
kŏnasāgi lolonĕ gubbadilam̐gā
tanu vemi seyunĕ tadigŏnna tamagamu
vĕnugŏni ponīga vīriḍim̐ jeyam̐ganu
(||inni||)
sūbu lemi seyune suḍigŏnna javvanamu
pai paim̐ dību lĕkkiṁchi bhramayiṁcham̐gā
koba memi seyunĕ guriyai yī virahamu
ābasobālĕ rem̐si alayiṁcham̐gānu
(||inni||)
pulaga lemi seyunĕ podiyai padigām̐gili
kaḽalaloni marmālu galam̐sam̐gānu
sĕluva memi seyunĕ śhrīvĕṁkaḍanāthum̐ḍu
sŏlabularadim̐ gūḍi sŏkkiṁcham̐gānu