ఇన్నిళ్ళు నెఱఁగక యిందులోనే వోలాడితి
(॥పల్లవి॥)
ఇన్నిళ్ళు నెఱఁగక యిందులోనే వోలాడితి
మన్నించఁగా నీవల్లనే మరిగితి నిన్నును
(॥ఇన్నా॥)
ముందు నేఁజేసినకర్మములు దోలుకరాఁగాను
అంది మరఁగుఁ జొచ్చితి నందుకే నీకు
కందువఁ బంచేంద్రియాలు కదిమి పై కొనఁగాను
చందములన్నిటా నీకు శరణంటిని
(॥ఇన్నా॥)
వెనకటి సంసారము విడువక వుండఁగాను
వినయాన నీడాగు వేసుకొంటిని
ఘనమైన జన్మములు కాణాచియై తగులఁగ
మొనసి నీ పాదాలకు మొక్కితి నేను
(॥ఇన్నా॥)
జీవుల సంగాతాలు చిమ్మి రేఁచి యంటుకోఁగా
భావించి నీ మీఁదటిబత్తి వట్టితి
శ్రీ వేంకటేశుఁడవు నీదేవు లలమేలుమంగ
నీవు నాకు బుద్ధియ్యఁగా నిన్నే పాడితిని
(||pallavi||)
inniḽḽu nĕṟam̐gaga yiṁdulone volāḍidi
manniṁcham̐gā nīvallane marigidi ninnunu
(||innā||)
muṁdu nem̐jesinagarmamulu dolugarām̐gānu
aṁdi maram̐gum̐ jŏchchidi naṁduge nīgu
kaṁduvam̐ baṁcheṁdriyālu kadimi pai kŏnam̐gānu
saṁdamulanniḍā nīgu śharaṇaṁṭini
(||innā||)
vĕnagaḍi saṁsāramu viḍuvaga vuṁḍam̐gānu
vinayāna nīḍāgu vesugŏṁṭini
ghanamaina janmamulu kāṇāsiyai tagulam̐ga
mŏnasi nī pādālagu mŏkkidi nenu
(||innā||)
jīvula saṁgādālu simmi rem̐si yaṁṭugom̐gā
bhāviṁchi nī mīm̐daḍibatti vaṭṭidi
śhrī veṁkaḍeśhum̐ḍavu nīdevu lalamelumaṁga
nīvu nāgu buddhiyyam̐gā ninne pāḍidini