(॥పల్లవి॥)
ఇన్నిలాగుల చేతు లివియ పో కడు-
నెన్నికకెక్కిన చేతు లివియ పో
(॥ఇన్ని॥)
గునియుచుఁ దనునెత్తుకొమ్మని తల్లిపై-
నెనయఁ జాఁచినచేతు లివియపో
కినిసి గొవర్ధనగిరి వెల్లగించిన-
యునుమువంటి చేతు లివియపో
(॥ఇన్ని॥)
పిసికి పూతకిచన్ను బిగియించిపట్టిన-
యిసుమంతలు చేతు లివియపో
పసులఁ గాచుచు గొల్లపడుచుల యమునలో
యిసుక చల్లినచేతు లివియపో
(॥ఇన్ని॥)
పరమచైతన్యమై ప్రాణుల కెల్లను
యెరవులిచ్చినచేతు లివియపో
తిరువేంకటగిరి దేవుఁడై ముక్తికి-
నిరవు చూపెడుచేతు లివియపో
(||pallavi||)
innilāgula sedu liviya po kaḍu-
nĕnnigagĕkkina sedu liviya po
(||inni||)
guniyusum̐ danunĕttugŏmmani tallibai-
nĕnayam̐ jām̐sinasedu liviyabo
kinisi gŏvardhanagiri vĕllagiṁchina-
yunumuvaṁṭi sedu liviyabo
(||inni||)
pisigi pūdagisannu bigiyiṁchibaṭṭina-
yisumaṁtalu sedu liviyabo
pasulam̐ gāsusu gŏllabaḍusula yamunalo
yisuga sallinasedu liviyabo
(||inni||)
paramasaidanyamai prāṇula kĕllanu
yĕravulichchinasedu liviyabo
tiruveṁkaḍagiri devum̐ḍai muktigi-
niravu sūbĕḍusedu liviyabo