(॥పల్లవి॥)
ఇన్నిటికి నోపునా యీ మనసు నన్ను
మన్నించి నీ మనసు మరిగించు మనసు
(॥ఇన్ని॥)
పొలఁతులకాఁకనే పుటమెక్కె మనసు
చలివేఁడిజవ్వనమునందిఁ జిక్కె మనసు
వలరాజుతూపునంజు వడినెక్కె మనసు
మలసి రతిసుఖాలమరపాయ మనసు
(॥ఇన్ని॥)
పచ్చనికనకముపై భ్రమఁబడె మనసు
చిచ్చువంటివిషయాల శివమెత్తె మనసు
వొచ్చెపుఁ బాపాలకెల్లా నొడిగట్టె మనసు
బచ్చన చెంచెలములఁ బాటిచెడె మనసు
(॥ఇన్ని॥)
కోరి యంతలో గురుఁడు గూఁటవేసె మనసు
వోరుపుతో నీపాలి కొప్పగించె మనసు
ఈరీతి శ్రీవేంకటేశుఁడ నామనసు
తోరపు విజ్ఞానము తుదకెక్కె మనసు
(||pallavi||)
inniḍigi nobunā yī manasu nannu
manniṁchi nī manasu marigiṁchu manasu
(||inni||)
pŏlam̐tulagām̐kane puḍamĕkkĕ manasu
salivem̐ḍijavvanamunaṁdim̐ jikkĕ manasu
valarājudūbunaṁju vaḍinĕkkĕ manasu
malasi radisukhālamarabāya manasu
(||inni||)
pachchaniganagamubai bhramam̐baḍĕ manasu
sichchuvaṁṭiviṣhayāla śhivamĕttĕ manasu
vŏchchĕbum̐ bābālagĕllā nŏḍigaṭṭĕ manasu
bachchana sĕṁchĕlamulam̐ bāḍisĕḍĕ manasu
(||inni||)
kori yaṁtalo gurum̐ḍu gūm̐ṭavesĕ manasu
vorubudo nībāli kŏppagiṁchĕ manasu
īrīdi śhrīveṁkaḍeśhum̐ḍa nāmanasu
torabu vijñānamu tudagĕkkĕ manasu