ఇన్నిటికి నీశ్వరేచ్ఛ యింతేకాక
(॥పల్లవి॥)
ఇన్నిటికి నీశ్వరేచ్ఛ యింతేకాక
తన్నుఁ దానే హరి గాచు దాసుఁడైతేఁ జాలు
(॥ఇన్ని॥)
ప్రకృతిఁ బుట్టిన దేహి ప్రకృత(తి?) గుణమే కాని
వికృతి బోధించబోతే విషమింతే కాదా
వొకవిత్తు వెట్టితే వేరొకటేల మొలచును
ప్రకటమైన వట్టిప్రయాసమే కాక
(॥ఇన్ని॥)
పాపానఁ బుట్టిన మేను పాపమే సేయించుఁ గాక
యేపునఁ బుణ్యముతోవ యేల పట్టును
వేపచేఁదు వండితేను వెస నేల బెల్లమవును
పైపై బలిమి సేసే భ్రమ యింతే కాక
(॥ఇన్ని॥)
ప్రపంచమైన పుట్టుగు ప్రపంచమునకే కాక
వుపమించ మోక్షమున కొడఁబడునా
ప్రపన్నుడైనవేళ భాగ్యాన శ్రీవేంకటేశుఁ-
డపుడు దయఁజూడఁగ నధికుఁడౌఁ గాక
(||pallavi||)
inniḍigi nīśhvarechchha yiṁtegāga
tannum̐ dāne hari gāsu dāsum̐ḍaidem̐ jālu
(||inni||)
prakṛtim̐ buṭṭina dehi prakṛta(ti?) guṇame kāni
vikṛti bodhiṁchabode viṣhamiṁte kādā
vŏgavittu vĕṭṭide verŏgaḍela mŏlasunu
pragaḍamaina vaṭṭiprayāsame kāga
(||inni||)
pābānam̐ buṭṭina menu pābame seyiṁchum̐ gāga
yebunam̐ buṇyamudova yela paṭṭunu
vebasem̐du vaṁḍidenu vĕsa nela bĕllamavunu
paibai balimi sese bhrama yiṁte kāga
(||inni||)
prabaṁchamaina puṭṭugu prabaṁchamunage kāga
vubamiṁcha mokṣhamuna kŏḍam̐baḍunā
prabannuḍainaveḽa bhāgyāna śhrīveṁkaḍeśhum̐-
ḍabuḍu dayam̐jūḍam̐ga nadhigum̐ḍaum̐ gāga