(॥పల్లవి॥)
ఇన్నిటికి మూలము యెప్పుడు నీవే
పన్ని మామీఁద నేరాలు పచరించకువయ్యా
(॥ఇన్ని॥)
కోటానఁగోటులు మదిఁ గోరికలు
చీటికి మాటికి నివే చిగిరించీని
వాటమై యెవ్వరికిని వసముగావు
పాటించి వీటిని వొప్పనగొనవయ్యా
(॥ఇన్ని॥)
లక్షోపలక్షలు కర్మలంపటములు
అక్షయపు తీగెలై అల్లుకొనీని
వీక్షించ నెన్నేఁ గలవు వింతవింతలు
రక్షించ నిన్నిటికి భారము నీదేయయ్యా
(॥ఇన్ని॥)
నానాముఖములు పుణ్యములెల్లాను
తానక భోగములై తగిలించీని
మానుపరా దలమేలుమంగపతివి
శ్రీనాథ శ్రీవేంకటేశ చిత్తగించవయ్యా
(||pallavi||)
inniḍigi mūlamu yĕppuḍu nīve
panni māmīm̐da nerālu pasariṁchaguvayyā
(||inni||)
koḍānam̐goḍulu madim̐ gorigalu
sīḍigi māḍigi nive sigiriṁchīni
vāḍamai yĕvvarigini vasamugāvu
pāḍiṁchi vīḍini vŏppanagŏnavayyā
(||inni||)
lakṣhobalakṣhalu karmalaṁpaḍamulu
akṣhayabu tīgĕlai allugŏnīni
vīkṣhiṁcha nĕnnem̐ galavu viṁtaviṁtalu
rakṣhiṁcha ninniḍigi bhāramu nīdeyayyā
(||inni||)
nānāmukhamulu puṇyamulĕllānu
tānaga bhogamulai tagiliṁchīni
mānubarā dalamelumaṁgabadivi
śhrīnātha śhrīveṁkaḍeśha sittagiṁchavayyā