(॥పల్లవి॥)
ఇన్నిటా నింతటా నిరవొకటే
వెన్నుని నామమే వేదంబాయ
(॥ఇన్ని॥)
నలినదళాక్షునినామకీర్తనము
కలిగి లోకమునఁ గలదొకటే
యిల నిదియే భజియింపఁగఁ బుణ్యులు
చెలఁగి తలఁప సంజీవని యాయ
(॥ఇన్ని॥)
కోరిక నచ్యుత గోవిందాయని
ధీరులు దలఁపఁగఁ దెరువొకటే
ఘోరదురితహర గోవర్ధనధర
నారాయణ యని నమ్మఁగఁగలిగె
(॥ఇన్ని॥)
తిరువేంకటగిరి దేవుని నామము
ధరఁదలపగ నాధారమిదే
గరుడధ్వజుని సుఖప్రదనామము
నరులకెల్లఁ బ్రాణము దానాయ
(||pallavi||)
inniḍā niṁtaḍā niravŏgaḍe
vĕnnuni nāmame vedaṁbāya
(||inni||)
nalinadaḽākṣhunināmagīrdanamu
kaligi logamunam̐ galadŏgaḍe
yila nidiye bhajiyiṁpam̐gam̐ buṇyulu
sĕlam̐gi talam̐pa saṁjīvani yāya
(||inni||)
koriga nachyuda goviṁdāyani
dhīrulu dalam̐pam̐gam̐ dĕruvŏgaḍe
ghoraduridahara govardhanadhara
nārāyaṇa yani nammam̐gam̐galigĕ
(||inni||)
tiruveṁkaḍagiri devuni nāmamu
dharam̐dalabaga nādhāramide
garuḍadhvajuni sukhapradanāmamu
narulagĕllam̐ brāṇamu dānāya