ఇన్ని రాసులయునికి యింతి చెలువపురాశి
(॥పల్లవి॥)
ఇన్ని రాసులయునికి యింతి చెలువపురాశి
కన్నె నీరాశికూటమి గలిగిన రాశి
(॥ఇన్ని॥)
కలికి బొమవిండ్లుగల కాంతకును ధనురాశి
మెలయు మీనాక్షికిని మీనరాశి
కులుకు కుచకుంభముల కొమ్మకును కుంభరాశి
చెలఁగు హరిమధ్యకును సింహరాశి
(॥ఇన్ని॥)
చిన్నిమకరాంకపు బయ్యెద చేడెకు మకరరాశి
కన్నెపాయపు సతికి కన్నెరాశి
వన్నెమై పైఁడితులఁదూఁగు వనితకుఁ దులారాశి
తిన్ననివాఁడి గోళ్ళసతికి వృశ్చికరాశి
(॥ఇన్ని॥)
ఆముకొను నొరపుల మెరయు నతివకు వృషభరాశి
గామిడి గుట్టుమాఁటల సతి కర్కాటకరాశి
కోమలపు చిగురువమోవి కోమలికి మేషరాశి
ప్రేమ వేంకటపతిఁ గలసె ప్రియమిథునరాశి
(||pallavi||)
inni rāsulayunigi yiṁti sĕluvaburāśhi
kannĕ nīrāśhigūḍami galigina rāśhi
(||inni||)
kaligi bŏmaviṁḍlugala kāṁtagunu dhanurāśhi
mĕlayu mīnākṣhigini mīnarāśhi
kulugu kusaguṁbhamula kŏmmagunu kuṁbharāśhi
sĕlam̐gu harimadhyagunu siṁharāśhi
(||inni||)
sinnimagarāṁkabu bayyĕda seḍĕgu magararāśhi
kannĕbāyabu sadigi kannĕrāśhi
vannĕmai paim̐ḍidulam̐dūm̐gu vanidagum̐ dulārāśhi
tinnanivām̐ḍi goḽḽasadigi vṛśhchigarāśhi
(||inni||)
āmugŏnu nŏrabula mĕrayu nadivagu vṛṣhabharāśhi
gāmiḍi guṭṭumām̐ṭala sadi kargāḍagarāśhi
komalabu siguruvamovi komaligi meṣharāśhi
prema veṁkaḍabadim̐ galasĕ priyamithunarāśhi