ఇన్ని దేహములఁ బుట్టి యేమి గంటిమి
(॥పల్లవి॥)
ఇన్ని దేహములఁ బుట్టి యేమి గంటిమి
వున్నతపు హరిదాస్య మొక్కటే కాక
(॥ఇన్ని॥)
హీనజంతువైననాఁడు యేనుగై పుట్టిననాఁడు
ఆనంద మొక్కటే అంగాలే వేరు
యీ నేటి యజ్ఞానము యీ జీవుల కొక్కలాగే
జ్ఞానమే యెక్కుడుఁ గాక సరిలేని దొకటే
(॥ఇన్ని॥)
నరలోకభోగానకు నరకానుభవానకు
సరేకాని మిగులదు చనెఁ దొల్లె (?)
గరిమ నేర్పడ నందు ఘనమేమి కొంచమేమి
హరిదాసుఁడై బ్రదుకుటదియే లాభము
(॥ఇన్ని॥)
బాలుఁడైన యప్పుడూను పండి ముదిసినప్పుడు
కాల మొక్కటే బుద్ధి కడు లేదు
ఆలకించి శ్రీవేంకటాధిపతి సేవించి
యేలికంటా మొక్కుచుండే దిదియే భాగ్యము
(||pallavi||)
inni dehamulam̐ buṭṭi yemi gaṁṭimi
vunnadabu haridāsya mŏkkaḍe kāga
(||inni||)
hīnajaṁtuvainanām̐ḍu yenugai puṭṭinanām̐ḍu
ānaṁda mŏkkaḍe aṁgāle veru
yī neḍi yajñānamu yī jīvula kŏkkalāge
jñāname yĕkkuḍum̐ gāga sarileni dŏgaḍe
(||inni||)
naralogabhogānagu naragānubhavānagu
saregāni miguladu sanĕm̐ dŏllĕ (?)
garima nerbaḍa naṁdu ghanamemi kŏṁchamemi
haridāsum̐ḍai braduguḍadiye lābhamu
(||inni||)
bālum̐ḍaina yappuḍūnu paṁḍi mudisinappuḍu
kāla mŏkkaḍe buddhi kaḍu ledu
ālagiṁchi śhrīveṁkaḍādhibadi seviṁchi
yeligaṁṭā mŏkkusuṁḍe didiye bhāgyamu