ఇన్నాళ్ళు నెఱఁగనైతి నెచ్చుకుందులాడితి నీ
(॥పల్లవి॥)
ఇన్నాళ్ళు నెఱఁగనైతి నెచ్చుకుందులాడితి నీ
వన్నెదీయ మెరసేది వనితా భూమిని
(॥ఇన్నాళ్ళు॥)
యెందరు సతులు నీకు యెట్టైనానుందురుగాక
ముందరి వీడెము నాది మోహము నాది
పొందులఁ దొలుత నిన్ను భోగించిన నా యెంగిలి
అందుక చేయొగ్గినది ఆఁటదా భూమిని
(॥ఇన్నాళ్ళు॥)
అవ్వల నీవారమని ఆడుకోనీ యెవ్వరైనా
నవ్వులు నీవు నాతోనే ననుపు నాదే
రవ్వల నే నిన్ను నిట్టె రతిసేసిన వలపు
తవ్వి తలకెత్తుకొంటే తరుణే భూమిని
(॥ఇన్నాళ్ళు॥)
పైకొని నిన్నెవ్వరాస పడేది పడుట గాక
కైకొన్న కౌఁగిలి నాది ఘనత నాది
యీకడ శ్రీ వెంకటేశ యిట్టు నన్నుఁ గూడితివి
వాకు కసివుచ్చుకుంటే వనితా భూమిని
(||pallavi||)
innāḽḽu nĕṟam̐ganaidi nĕchchuguṁdulāḍidi nī
vannĕdīya mĕrasedi vanidā bhūmini
(||innāḽḽu||)
yĕṁdaru sadulu nīgu yĕṭṭainānuṁdurugāga
muṁdari vīḍĕmu nādi mohamu nādi
pŏṁdulam̐ dŏluda ninnu bhogiṁchina nā yĕṁgili
aṁduga seyŏgginadi ām̐ṭadā bhūmini
(||innāḽḽu||)
avvala nīvāramani āḍugonī yĕvvarainā
navvulu nīvu nādone nanubu nāde
ravvala ne ninnu niṭṭĕ radisesina valabu
tavvi talagĕttugŏṁṭe taruṇe bhūmini
(||innāḽḽu||)
paigŏni ninnĕvvarāsa paḍedi paḍuḍa gāga
kaigŏnna kaum̐gili nādi ghanada nādi
yīgaḍa śhrī vĕṁkaḍeśha yiṭṭu nannum̐ gūḍidivi
vāgu kasivuchchuguṁṭe vanidā bhūmini