ఇన్నాళ్ళు నెఱఁగము యిటువంటివి
(॥పల్లవి॥)
ఇన్నాళ్ళు నెఱఁగము యిటువంటివి
సన్నలు మీలో మీకు సరివచ్చెనా
(॥ఇన్నా॥)
చిమ్మిరేఁగి నీ కిందాఁకాఁ జేసి నాకె విన్నపాలు
వుమ్మడి నీ మనసందు కొడఁబడెనా
కమ్మటి నీ పాదలొత్తె కదిసి సేవలు సేసె
సమ్మతించి నీ వందుకు సరుగ మెచ్చితివా
(॥ఇన్నా॥)
నేమమున నీతోడ నెత్తమాడెఁ జిక్కించుక
దోమటి నీ కిప్పుడ సంతోసమాయనా
వాములుగా నీమీఁద వలపులు చల్లి నవ్వె
ప్రేమముతోడుత నీవూఁ బ్రియము చేకొంటివా
(॥ఇన్నా॥)
గక్కనఁ జుట్టమువలెఁ గాఁగిలించు కొననాపె
చక్కెర మోవి యొసఁగి చవిగొంటివా
ఇక్కడ శ్రీవేంకటేశ యేలితివి నన్ను నేఁడు
మక్కువతో మమ్మిద్దరి మన్నన నేలితివా
(||pallavi||)
innāḽḽu nĕṟam̐gamu yiḍuvaṁṭivi
sannalu mīlo mīgu sarivachchĕnā
(||innā||)
simmirem̐gi nī kiṁdām̐kām̐ jesi nāgĕ vinnabālu
vummaḍi nī manasaṁdu kŏḍam̐baḍĕnā
kammaḍi nī pādalŏttĕ kadisi sevalu sesĕ
sammadiṁchi nī vaṁdugu saruga mĕchchidivā
(||innā||)
nemamuna nīdoḍa nĕttamāḍĕm̐ jikkiṁchuga
domaḍi nī kippuḍa saṁtosamāyanā
vāmulugā nīmīm̐da valabulu salli navvĕ
premamudoḍuda nīvūm̐ briyamu segŏṁṭivā
(||innā||)
gakkanam̐ juṭṭamuvalĕm̐ gām̐giliṁchu kŏnanābĕ
sakkĕra movi yŏsam̐gi savigŏṁṭivā
ikkaḍa śhrīveṁkaḍeśha yelidivi nannu nem̐ḍu
makkuvado mammiddari mannana nelidivā