ఇన్నాళ్లు నందునందు నేమి గంటిని
(॥పల్లవి॥)
ఇన్నాళ్లు నందునందు నేమి గంటిని
అన్నిటా శరణు చొచ్చి హరి నిన్నుఁ గంటిని
(॥ఇన్నా॥)
అంగనల పసఁజిక్కి అలయికలే కంటి
బంగారువెంటఁ దగిలి భ్రమ గంటిని
ముంగిటిక్షేత్రాలంటి ముంచి వెట్టిసేయఁ గంటి
అంగపు నన్నే చూచి అంతరాత్మఁ గంటి
(॥ఇన్నా॥)
చుట్టాలఁ జేరి చూచి సుద్దులవావులు గంటి
మట్టులేని వయసుతో మదము గంటి
వట్టికామములుసేసి వరుస మాయలు గంటి
పట్టి నారాయణాయని భక్తి నిన్నుఁ గంటిని
(॥ఇన్నా॥)
వింతచదువులవల్ల వేవేలుమతాలు గంటి
సంతకర్మములవల్ల సాము గంటిని
యింతట శ్రీవేంకటేశ యిటు నాజీవభావము
చింతించి అందులోన నీ శ్రీపాదాలు గంటి
(||pallavi||)
innāḽlu naṁdunaṁdu nemi gaṁṭini
anniḍā śharaṇu sŏchchi hari ninnum̐ gaṁṭini
(||innā||)
aṁganala pasam̐jikki alayigale kaṁṭi
baṁgāruvĕṁṭam̐ dagili bhrama gaṁṭini
muṁgiḍikṣhetrālaṁṭi muṁchi vĕṭṭiseyam̐ gaṁṭi
aṁgabu nanne sūsi aṁtarātmam̐ gaṁṭi
(||innā||)
suṭṭālam̐ jeri sūsi suddulavāvulu gaṁṭi
maṭṭuleni vayasudo madamu gaṁṭi
vaṭṭigāmamulusesi varusa māyalu gaṁṭi
paṭṭi nārāyaṇāyani bhakti ninnum̐ gaṁṭini
(||innā||)
viṁtasaduvulavalla vevelumadālu gaṁṭi
saṁtagarmamulavalla sāmu gaṁṭini
yiṁtaḍa śhrīveṁkaḍeśha yiḍu nājīvabhāvamu
siṁtiṁchi aṁdulona nī śhrībādālu gaṁṭi