ఇన్నాళ్ళదాఁకాను యెడమాటలు జరగె
(॥పల్లవి॥)
ఇన్నాళ్ళదాఁకాను యెడమాటలు జరగె
పన్నిన నా భాగ్యము ప్రత్యక్షమాయనే
(॥॥)
పచ్చిదేరే మేనితోడి పాయపువిభునిఁ గంటి
దిచ్చరి పనులన్నియుఁ దేరీ నేఁడు
రచ్చలో తగవు దిద్ద రామలందరు నున్నారు
తచ్చివేసినట్టు నాతలఁపు లీడేరెనే
(॥॥)
వేడుకకాఁడై వచ్చి విభుఁడిదె మాటలాడె
నీడల నేఁ గోరినట్టే నిలిచె నేఁడు
కూడిన బాసలకును గుఱి మరుఁడున్నాఁడు
జాడ దప్పకుండాను నిజములేరుపడెనే
(॥॥)
తానె శ్రీ వేంకటేశుఁడు తగ నన్నుఁ గాఁగిలించె
తానకమై మోహములు దాకొనె నేఁడు
పూనిన వొడఁబాటుకు వుంగరమిదె వున్నది
కానుకలై సలిగెలు కైవములాయనే
(||pallavi||)
innāḽḽadām̐kānu yĕḍamāḍalu jaragĕ
pannina nā bhāgyamu pratyakṣhamāyane
(||||)
pachchidere menidoḍi pāyabuvibhunim̐ gaṁṭi
dichchari panulanniyum̐ derī nem̐ḍu
rachchalo tagavu didda rāmalaṁdaru nunnāru
tachchivesinaṭṭu nādalam̐pu līḍerĕne
(||||)
veḍugagām̐ḍai vachchi vibhum̐ḍidĕ māḍalāḍĕ
nīḍala nem̐ gorinaṭṭe nilisĕ nem̐ḍu
kūḍina bāsalagunu guṟi marum̐ḍunnām̐ḍu
jāḍa dappaguṁḍānu nijamulerubaḍĕne
(||||)
tānĕ śhrī veṁkaḍeśhum̐ḍu taga nannum̐ gām̐giliṁchĕ
tānagamai mohamulu dāgŏnĕ nem̐ḍu
pūnina vŏḍam̐bāḍugu vuṁgaramidĕ vunnadi
kānugalai saligĕlu kaivamulāyane