ఇన్నాళ్ల నీవుగావో యెప్పటి నేనె కానో
(॥పల్లవి॥)
ఇన్నాళ్ల నీవుగావో యెప్పటి నేనె కానో
వెన్నుఁడ నీచేఁతలె వింత లింతే కాక
(॥ఇన్నాళ్ల॥)
దాఁపరాని చెక్కుగోరు తలపించె నీగుణాలు
మాపుదాఁకాఁ దెలుపఁగ మావసమా
ఆఁపరాన తమకాన ఆపె నీమోహ మెల్లా
రూపు సేయఁగా నింత రూడి కెక్కెఁ గాక
(॥ఇన్నాళ్ల॥)
అంటినమోవిపై కెంపె అంగమచ్చమాయఁగాక
నంటునఁ దారుకాణించ నావసమా
యింటికాడ నిన్ను నాపె యెనసిన భోగ మెల్లా
వెంట వెంటనె వెల్లవిరి సేసీఁ గాక
(॥ఇన్నాళ్ల॥)
విడువనివాసనలె వెలయించె నీపొందులు
వడి నీతో వాదించ వసమా నాకు
కడువేగ శ్రీవెంకటనాథ నీవె నన్ను
వొడఁబరచి కాఁగిట నొక్కటై కూడితివి.
(||pallavi||)
innāḽla nīvugāvo yĕppaḍi nenĕ kāno
vĕnnum̐ḍa nīsem̐talĕ viṁta liṁte kāga
(||innāḽla||)
dām̐parāni sĕkkugoru talabiṁchĕ nīguṇālu
mābudām̐kām̐ dĕlubam̐ga māvasamā
ām̐parāna tamagāna ābĕ nīmoha mĕllā
rūbu seyam̐gā niṁta rūḍi kĕkkĕm̐ gāga
(||innāḽla||)
aṁṭinamovibai kĕṁpĕ aṁgamachchamāyam̐gāga
naṁṭunam̐ dārugāṇiṁcha nāvasamā
yiṁṭigāḍa ninnu nābĕ yĕnasina bhoga mĕllā
vĕṁṭa vĕṁṭanĕ vĕllaviri sesīm̐ gāga
(||innāḽla||)
viḍuvanivāsanalĕ vĕlayiṁchĕ nībŏṁdulu
vaḍi nīdo vādiṁcha vasamā nāgu
kaḍuvega śhrīvĕṁkaḍanātha nīvĕ nannu
vŏḍam̐barasi kām̐giḍa nŏkkaḍai kūḍidivi.