ఇంతులాల చూడరమ్మ ఇద్దరు జాణలే వీరు
(॥పల్లవి॥)
ఇంతులాల చూడరమ్మ ఇద్దరు జాణలే వీరు
చెంత రమాదేవిఁ గూడె శ్రీనరసింహుఁడు
(॥ఇంతు॥)
సరిఁ గొండలెక్కుకొని సరసము లాడుకొంటా
సొరిది మోములు తోఁగి చూచుకొంటాను
విరులచెండులఁగొని వేటులాడుకొంటాను
సిరితోడ విహరించీ శ్రీ నరసింహుఁడు
(॥ఇంతు॥)
భవనాశి లోని నీరు పైఁ జల్లులాడుకొంటాను
నవకపు సిరులను నవ్వుకొంటాను
జవళిఁ గెమ్మోవులు సన్నలఁ జూపుకొంటాను
చివన నిందిరనంటె శ్రీ నరసింహుఁడు
(॥ఇంతు॥)
వేమరుఁ దొడలెక్కుక వీడుదోడు లాడుకొంటా
ప్రేమమునఁ గాఁగిళ్ళఁ బెనఁగుకొంటా
ఆముక శ్రీ వేంకటాద్రి నౌభళాన నిలిచిరి
శ్రీ మహాలక్ష్మి తోడ శ్రీ నరసింహుఁడు
(||pallavi||)
iṁtulāla sūḍaramma iddaru jāṇale vīru
sĕṁta ramādevim̐ gūḍĕ śhrīnarasiṁhum̐ḍu
(||iṁtu||)
sarim̐ gŏṁḍalĕkkugŏni sarasamu lāḍugŏṁṭā
sŏridi momulu tom̐gi sūsugŏṁṭānu
virulasĕṁḍulam̐gŏni veḍulāḍugŏṁṭānu
siridoḍa vihariṁchī śhrī narasiṁhum̐ḍu
(||iṁtu||)
bhavanāśhi loni nīru paim̐ jallulāḍugŏṁṭānu
navagabu sirulanu navvugŏṁṭānu
javaḽim̐ gĕmmovulu sannalam̐ jūbugŏṁṭānu
sivana niṁdiranaṁṭĕ śhrī narasiṁhum̐ḍu
(||iṁtu||)
vemarum̐ dŏḍalĕkkuga vīḍudoḍu lāḍugŏṁṭā
premamunam̐ gām̐giḽḽam̐ bĕnam̐gugŏṁṭā
āmuga śhrī veṁkaḍādri naubhaḽāna nilisiri
śhrī mahālakṣhmi toḍa śhrī narasiṁhum̐ḍu