(॥పల్లవి॥)
ఇంతులాల నావంక నిదే తప్పు
కొంతైనాఁ బిలువనంటాఁ గొసరీ మనసు
(॥॥)
మాటకు మాటాడను మరి కల్లలెంచెను
నాఁటుకొన్న చూపులతో నవ్వితి నేను
గీఁటెఁ గొనగొరఁ దానే కిందుపడ నొక్కెఁ దానే
కూటమికి రానంటాఁ గోపగించీఁ దాను
(॥॥)
పతికిఁ బతి సేయను పను లేమి నడుగను
అతికాఁకఁ దనమేనే అంటితి నేను
కతలు చెప్పీఁ దానే ఘాతలుసేసీఁ దానే
తతితో దగ్గరనంటా దమకించీఁ దాను
(॥॥)
కాదుగూడ దనను కఱకరి సేయను
యీదెసఁ దనకుఁ బంతమిచ్చితి నేను
సేదదేర నన్నుఁ గూడె శ్రీ వేంకటేశుఁడు దానె
పోదితో మెచ్చితినంటాఁ బొదిగీఁ దాను
(||pallavi||)
iṁtulāla nāvaṁka nide tappu
kŏṁtainām̐ biluvanaṁṭām̐ gŏsarī manasu
(||||)
māḍagu māḍāḍanu mari kallalĕṁchĕnu
nām̐ṭugŏnna sūbulado navvidi nenu
gīm̐ṭĕm̐ gŏnagŏram̐ dāne kiṁdubaḍa nŏkkĕm̐ dāne
kūḍamigi rānaṁṭām̐ gobagiṁchīm̐ dānu
(||||)
padigim̐ badi seyanu panu lemi naḍuganu
adigām̐kam̐ danamene aṁṭidi nenu
kadalu sĕppīm̐ dāne ghādalusesīm̐ dāne
tadido daggaranaṁṭā damagiṁchīm̐ dānu
(||||)
kādugūḍa dananu kaṟagari seyanu
yīdĕsam̐ danagum̐ baṁtamichchidi nenu
sedadera nannum̐ gūḍĕ śhrī veṁkaḍeśhum̐ḍu dānĕ
podido mĕchchidinaṁṭām̐ bŏdigīm̐ dānu