ఇంతిమాటలకు నేల యెగ్గు పట్టేవు
(॥పల్లవి॥)
ఇంతిమాటలకు నేల యెగ్గు పట్టేవు
చెంతల నాపె చనవు చెల్లించరాదా
(॥ఇంతి॥)
అగపడి లోనైతె అన్ని నవ్వులె కాక
యెగసక్కే లాడే నంటే యెంతలేదు
చిగిరించినట్టి వేళ జిగిఁ బండినట్టి వేళ
వొగరుఁ దీపునుఁ దోఁచు నొక్కటందే కాదా
(॥ఇంతి॥)
సరిఁ జుట్టరికానకు సరసాలె అన్నియును
యెరవులు సేసుకొంటే నెంతలేదు
తొరలఁ గాఁచినప్పుడు తోడంటు వెట్టినప్పుడు
పెరుగుఁ బాలును నొక్క పేరుపునే కాదా
(॥ఇంతి॥)
కొయ్యవై శ్రీవెంకటేశ కూడుకొంటి వాపె నిట్టె
యియ్యకోలు సేసుకొంటే నెంతలేదు
చయ్యన దంచినచోట చవిగా వండినచోట
బియ్యము వంటకమై బెరసేదే కాదా
(||pallavi||)
iṁtimāḍalagu nela yĕggu paṭṭevu
sĕṁtala nābĕ sanavu sĕlliṁcharādā
(||iṁti||)
agabaḍi lonaidĕ anni navvulĕ kāga
yĕgasakke lāḍe naṁṭe yĕṁtaledu
sigiriṁchinaṭṭi veḽa jigim̐ baṁḍinaṭṭi veḽa
vŏgarum̐ dībunum̐ dom̐su nŏkkaḍaṁde kādā
(||iṁti||)
sarim̐ juṭṭarigānagu sarasālĕ anniyunu
yĕravulu sesugŏṁṭe nĕṁtaledu
tŏralam̐ gām̐sinappuḍu toḍaṁṭu vĕṭṭinappuḍu
pĕrugum̐ bālunu nŏkka perubune kādā
(||iṁti||)
kŏyyavai śhrīvĕṁkaḍeśha kūḍugŏṁṭi vābĕ niṭṭĕ
yiyyagolu sesugŏṁṭe nĕṁtaledu
sayyana daṁchinasoḍa savigā vaṁḍinasoḍa
biyyamu vaṁṭagamai bĕrasede kādā