(॥పల్లవి॥)
ఇంటిలోనున్నదానను యెప్పుడూఁ దనసొమ్మె
వెంటవచ్చినవారితో వేగఁ గూడుమనవే
(॥ఇంటి॥)
పలుకనివారి నేలపలికించీనె తాను
చలములు మాతోనె సాదించీనా
వలచివచ్చినవారు వాకిటఁ గాచుకున్నారు
అలరి ముచ్చట లందె యాడుమనవే
(॥ఇంటి॥)
దగ్గరనివారి నేల దండకుఁ దీసీనె తాను
నిగ్గుల మాతోనె యివి నేర్చుకొనీనా
సిగ్గువడనివా రదె చేసూటినెవున్నవారు
కగ్గులేక గొబ్బుననుఁ గాఁగిలించుమనవే
(॥ఇంటి॥)
నగనివారి నదేల నగుమనీనె తాను
పగటులు మాతోనె పచరించీనా
జిగి నన్నుఁ గలసెను శ్రీవెంకటేశుఁడు తాను
మొగముచూచేవారిని మొరఁగు కొమ్మనవే
(||pallavi||)
iṁṭilonunnadānanu yĕppuḍūm̐ danasŏmmĕ
vĕṁṭavachchinavārido vegam̐ gūḍumanave
(||iṁṭi||)
paluganivāri nelabaligiṁchīnĕ tānu
salamulu mādonĕ sādiṁchīnā
valasivachchinavāru vāgiḍam̐ gāsugunnāru
alari muchchaḍa laṁdĕ yāḍumanave
(||iṁṭi||)
daggaranivāri nela daṁḍagum̐ dīsīnĕ tānu
niggula mādonĕ yivi nersugŏnīnā
sigguvaḍanivā radĕ sesūḍinĕvunnavāru
kaggulega gŏbbunanum̐ gām̐giliṁchumanave
(||iṁṭi||)
naganivāri nadela nagumanīnĕ tānu
pagaḍulu mādonĕ pasariṁchīnā
jigi nannum̐ galasĕnu śhrīvĕṁkaḍeśhum̐ḍu tānu
mŏgamusūsevārini mŏram̐gu kŏmmanave