(॥పల్లవి॥)
ఇంటికి రావయ్యా యిఁకనేఁటికి
కంటగించఁ దొల్లింటి కతలెన్ని లేవు
(॥ఇంటి॥)
కావరించి యెట్టుండినాఁ గడు మంచివాఁడవే
నీవేమేమాడినాను నిజమరిచే
కైవసపు వనితలు కల్లలు గారులు నిన్ను
ఆవటించి వూరకైనా నాడుదురుగాని
(॥ఇంటి॥)
సేసేటి నీచేఁతలెల్లా చేరువపుణ్యాలే
నీ సుద్దులు విన్నవల్లా నీతితోడివే
పాసినట్టి మగువలు పట్టలేక వయసులు
వేసరి నిన్నుఁ దిట్టుతా వీఁగుదురు గాని
(॥ఇంటి॥)
కలసిన నీరతులు కందువ వుచితములే
సులభాన నీవు నాకుఁ జుట్టమవే
యెలమి శ్రీవెంకటేశ యెరవుల వనితలు
చలమరివని నిన్ను సాదింతురు గాని
(||pallavi||)
iṁṭigi rāvayyā yim̐kanem̐ṭigi
kaṁṭagiṁcham̐ dŏlliṁṭi kadalĕnni levu
(||iṁṭi||)
kāvariṁchi yĕṭṭuṁḍinām̐ gaḍu maṁchivām̐ḍave
nīvememāḍinānu nijamarise
kaivasabu vanidalu kallalu gārulu ninnu
āvaḍiṁchi vūragainā nāḍudurugāni
(||iṁṭi||)
seseḍi nīsem̐talĕllā seruvabuṇyāle
nī suddulu vinnavallā nīdidoḍive
pāsinaṭṭi maguvalu paṭṭalega vayasulu
vesari ninnum̐ diṭṭudā vīm̐guduru gāni
(||iṁṭi||)
kalasina nīradulu kaṁduva vusidamule
sulabhāna nīvu nāgum̐ juṭṭamave
yĕlami śhrīvĕṁkaḍeśha yĕravula vanidalu
salamarivani ninnu sādiṁturu gāni