ఇంటిదాన నే నుండఁగా యెరవు సతమా నీకు
(॥పల్లవి॥)
ఇంటిదాన నే నుండఁగా యెరవు సతమా నీకు
పెంట వెట్టుక నావద్దఁ బ్రియాలు చల్లేవు
(॥ఇంటి॥)
చొక్కుచు దయదలఁచి చూచేవు ఆపె నీకు
మొక్కిన మొక్కులె కడు మోపాయనా
చిక్కి నీకుఁ జేయఁగల సేవలెల్లా నేఁజేయఁగా
చెక్కులనొక్కులు మాకు సెలవు సేసేవు
(॥ఇంటి॥)
చెచ్చెర విన్నపాలకె చెవులొగ్గే వాపె నీకు
ముచ్చటాడిన మాఁటలే ముడుపాయనా
నిచ్చ పెండ్లికూఁతురవై నేనె నీవై యుండఁగ
నచ్చుల నీమోవితమ్మె నావంతు సేసేవు
(॥ఇంటి॥)
గునిసి మమ్మిద్దరినిఁ గూరిచితి వాపె నీపై
మొనగోరు మోపినదె మొదలాయనా
యెనసితిమి శ్రీవెంకటేశ నే నిన్ను మెచ్చితి
చనవి మనవి నాకె సతము సేసేవు
(||pallavi||)
iṁṭidāna ne nuṁḍam̐gā yĕravu sadamā nīgu
pĕṁṭa vĕṭṭuga nāvaddam̐ briyālu sallevu
(||iṁṭi||)
sŏkkusu dayadalam̐si sūsevu ābĕ nīgu
mŏkkina mŏkkulĕ kaḍu mobāyanā
sikki nīgum̐ jeyam̐gala sevalĕllā nem̐jeyam̐gā
sĕkkulanŏkkulu māgu sĕlavu sesevu
(||iṁṭi||)
sĕchchĕra vinnabālagĕ sĕvulŏgge vābĕ nīgu
muchchaḍāḍina mām̐ṭale muḍubāyanā
nichcha pĕṁḍligūm̐turavai nenĕ nīvai yuṁḍam̐ga
nachchula nīmovidammĕ nāvaṁtu sesevu
(||iṁṭi||)
gunisi mammiddarinim̐ gūrisidi vābĕ nībai
mŏnagoru mobinadĕ mŏdalāyanā
yĕnasidimi śhrīvĕṁkaḍeśha ne ninnu mĕchchidi
sanavi manavi nāgĕ sadamu sesevu