ఇంతి కన్నీరొలుక నిట్లఁ జదివె
(॥పల్లవి॥)
ఇంతి కన్నీరొలుక నిట్లఁ జదివె
కొంతంపు కనుఁగొనల కోపమును జదివె
(॥ఇంతి॥)
వెలఁది వినుకలినే వినికి విని తోడనే
తలపోఁతనదివొ చింతనసేసెను
తలకొన్న నేలవ్రాఁతలనె పొలుపుగ వ్రాసె
తొలుతఁ బాదపువేలి ధూళక్షరములు
(॥ఇంతి॥)
పడఁతి కనుకలినే పులకవ్రాలును వ్రాసె
తడవి నీ చెలువ చిత్తపుఁ బలకనే
కడుఁదెలివికిని బాసి కలవెల్ల మఱచి తన-
పెడఁగు జెక్కు చేతితో వెదకీనిదివో
(॥ఇంతి॥)
వరుస గంటపువ్రాలు వ్రాసెఁ గొనగోరనే
కురుఁ బసల నీవు చెక్కులు గిల్లఁగా
తిరువేంకటాచలాధిపుఁడ నీతోఁగూడి
సరిలేని శబ్దశాస్త్రములెల్లఁ జదివె
(||pallavi||)
iṁti kannīrŏluga niṭlam̐ jadivĕ
kŏṁtaṁpu kanum̐gŏnala kobamunu jadivĕ
(||iṁti||)
vĕlam̐di vinugaline vinigi vini toḍane
talabom̐tanadivŏ siṁtanasesĕnu
talagŏnna nelavrām̐talanĕ pŏlubuga vrāsĕ
tŏludam̐ bādabuveli dhūḽakṣharamulu
(||iṁti||)
paḍam̐ti kanugaline pulagavrālunu vrāsĕ
taḍavi nī sĕluva sittabum̐ balagane
kaḍum̐dĕlivigini bāsi kalavĕlla maṟasi tana-
pĕḍam̐gu jĕkku sedido vĕdagīnidivo
(||iṁti||)
varusa gaṁṭabuvrālu vrāsĕm̐ gŏnagorane
kurum̐ basala nīvu sĕkkulu gillam̐gā
tiruveṁkaḍāsalādhibum̐ḍa nīdom̐gūḍi
sarileni śhabdaśhāstramulĕllam̐ jadivĕ