ఇంతవాఁడు చెనకీ నెక్కడ చూచేవె నీవు
(॥పల్లవి॥)
ఇంతవాఁడు చెనకీ నెక్కడ చూచేవె నీవు
యింతలో గోడచిత్తరు వేమి వ్రాసేవే
(॥ఇంత॥)
ఆతల నీరమణుఁడు అట్టె నిలుచుకుండఁగా
యేతుల మాతో మాటాడే విది యేఁటిదే
బూతులఁ దిట్టీ నతఁడు పూని నీగర్వము చూచి
యీతల నేఁటి నవ్వులు యిటు నవ్వేవే
(॥ఇంత॥)
రతికి నాతఁడు నిన్ను రమ్మని పిలువఁగాను
కత లడిగేవు మమ్మిక్కడ నేటిదే
చతురుఁడు సురటి నిచ్చట నిన్నుఁ దాఁకవేసె
వెతదీరఁ బుచ్చుకొని విసరుకొనే వేమే
(॥ఇంత॥)
శ్రీవెంకటేశుఁడు నిన్ను చేరి కాఁగిలించఁగాను
వోవరిలో నన్ను నేల వుండు మనేవే
దేవుఁ డాతఁ డంతలోనె తెరవేసి నిన్నుఁ గూడె
చేవదేరె నాతో నేల సిగ్గు వడేవే
(||pallavi||)
iṁtavām̐ḍu sĕnagī nĕkkaḍa sūsevĕ nīvu
yiṁtalo goḍasittaru vemi vrāseve
(||iṁta||)
ādala nīramaṇum̐ḍu aṭṭĕ nilusuguṁḍam̐gā
yedula mādo māḍāḍe vidi yem̐ṭide
būdulam̐ diṭṭī nadam̐ḍu pūni nīgarvamu sūsi
yīdala nem̐ṭi navvulu yiḍu navveve
(||iṁta||)
radigi nādam̐ḍu ninnu rammani piluvam̐gānu
kada laḍigevu mammikkaḍa neḍide
sadurum̐ḍu suraḍi nichchaḍa ninnum̐ dām̐kavesĕ
vĕdadīram̐ buchchugŏni visarugŏne veme
(||iṁta||)
śhrīvĕṁkaḍeśhum̐ḍu ninnu seri kām̐giliṁcham̐gānu
vovarilo nannu nela vuṁḍu maneve
devum̐ ḍādam̐ ḍaṁtalonĕ tĕravesi ninnum̐ gūḍĕ
sevaderĕ nādo nela siggu vaḍeve