ఇంతవాఁడవు గాకున్న యిన్నినేల సేసేవు
(॥పల్లవి॥)
ఇంతవాఁడవు గాకున్న యిన్నినేల సేసేవు
చెంతల నీ సరితెలు చూచే నింతేకాక
(॥ఇంత॥)
వొట్టుక నేనేమనిన వూరకే వున్నాఁడవు నీ
గుట్టుతోడిచేఁ తలకు కొసరా యిది
యిట్టె నే నెంతసేసినా యించుకాఁ గోపగించవు
తిట్టమై చిన్ననాఁడె సాదించితివో యిది
(॥ఇంత॥)
తప్పక చూచితే నట్టే తలవంచుకుండేవు
వొప్పుగా నీవొళ్ళఁ గలవోజా యిది
తప్పు నీపై మోపినాను తగినంతే నవ్వేవు
చప్పఁగాని నిజగడుసుఁ జదువా యిది
(॥ఇంత॥)
కందువ నేఁగూడఁగాను కలకల నవ్వేవు
దిందుపడ్డ నీ తరితీపా యిది
అందగాఁడ శ్రీ వేంకటాధిప నన్నుఁ గూడితి
విందుల నీ విటరాచవిద్దెలా యివి
(||pallavi||)
iṁtavām̐ḍavu gāgunna yinninela sesevu
sĕṁtala nī saridĕlu sūse niṁtegāga
(||iṁta||)
vŏṭṭuga nenemanina vūrage vunnām̐ḍavu nī
guṭṭudoḍisem̐ talagu kŏsarā yidi
yiṭṭĕ ne nĕṁtasesinā yiṁchugām̐ gobagiṁchavu
tiṭṭamai sinnanām̐ḍĕ sādiṁchidivo yidi
(||iṁta||)
tappaga sūside naṭṭe talavaṁchuguṁḍevu
vŏppugā nīvŏḽḽam̐ galavojā yidi
tappu nībai mobinānu taginaṁte navvevu
sappam̐gāni nijagaḍusum̐ jaduvā yidi
(||iṁta||)
kaṁduva nem̐gūḍam̐gānu kalagala navvevu
diṁdubaḍḍa nī taridībā yidi
aṁdagām̐ḍa śhrī veṁkaḍādhiba nannum̐ gūḍidi
viṁdula nī viḍarāsaviddĕlā yivi