(॥పల్లవి॥)
ఇంతకంటేఁ దగుబంధు లింక నున్నారా
యెంత సేసినా నీకు నెదురాడేనా
(॥ఇంత॥)
కోపగించి చంకబిడ్డఁ గోరీ తల్లి డించితేను
పైపైనే పడుఁగాక పాసిపొయ్యినా
వోపక నానేరముల కొగి నీవు వేసరితే
నీపాదాలే గతిగాక నే మానేనా
(॥ఇంత॥)
చదివించే అయఁగారు జంకించి చూచితేను
వొదిగి చదువుఁగాక వోపననీనా
యెదుటి గుణములకు నెంత నీవు దొబ్బినాను
యిదె నీకే మొక్కుదుఁగా కింక మానేనా
(॥ఇంత॥)
చెక్కు మీటి పాలు పెంచినదాది వోయఁగాను
గక్కన మింగుటగాక కాదనీనా
యిక్కడ శ్రీవేంకటేశ యిటుల రక్షించఁగ
నిక్కి నే మెరతుఁగాక నే మానేనా
(||pallavi||)
iṁtagaṁṭem̐ dagubaṁdhu liṁka nunnārā
yĕṁta sesinā nīgu nĕdurāḍenā
(||iṁta||)
kobagiṁchi saṁkabiḍḍam̐ gorī talli ḍiṁchidenu
paibaine paḍum̐gāga pāsibŏyyinā
vobaga nāneramula kŏgi nīvu vesaride
nībādāle gadigāga ne mānenā
(||iṁta||)
sadiviṁche ayam̐gāru jaṁkiṁchi sūsidenu
vŏdigi saduvum̐gāga vobananīnā
yĕduḍi guṇamulagu nĕṁta nīvu dŏbbinānu
yidĕ nīge mŏkkudum̐gā kiṁka mānenā
(||iṁta||)
sĕkku mīḍi pālu pĕṁchinadādi voyam̐gānu
gakkana miṁguḍagāga kādanīnā
yikkaḍa śhrīveṁkaḍeśha yiḍula rakṣhiṁcham̐ga
nikki ne mĕradum̐gāga ne mānenā