(॥పల్లవి॥)
ఇంతకంటే నేరము యెపుడు నీవారము
వంతుల మా చన్నులకు వాఁడి వచ్చెనిపుడు
(॥ఇంత॥)
జగడించేవారికెల్లా సారెసారె వెంగెములు
తగులై నవారికైతే తమకములు
మొగమేమి చూచేవు మొరఁగులు మరఁగులు
చిగురుమోవిమాట చేఁగలెక్కెనిపుడు
(॥ఇంత॥)
అలిగినవారికెల్లా అసురులు నుసురులు
కలసినవారికైతే కడుమేలాలు
వలుపేమి లోఁచేవు వలరాజుబాణాలైన
తెలిఁగన్నుల చూపులు తేటలెక్కె నిపుడు
(॥ఇంత॥)
పెనఁగేటి వారికెల్లా పెచ్చురేఁగుఁ జెమటలు
తనిసినవారికైతే దగదొట్టును
మనసేమి దెలిసేవు మచ్చిక శ్రీ వెంకటేశ
యెనసితిమి యాసలు యెదురెక్కెనిపుడు
(||pallavi||)
iṁtagaṁṭe neramu yĕbuḍu nīvāramu
vaṁtula mā sannulagu vām̐ḍi vachchĕnibuḍu
(||iṁta||)
jagaḍiṁchevārigĕllā sārĕsārĕ vĕṁgĕmulu
tagulai navārigaide tamagamulu
mŏgamemi sūsevu mŏram̐gulu maram̐gulu
sigurumovimāḍa sem̐galĕkkĕnibuḍu
(||iṁta||)
aliginavārigĕllā asurulu nusurulu
kalasinavārigaide kaḍumelālu
valubemi lom̐sevu valarājubāṇālaina
tĕlim̐gannula sūbulu teḍalĕkkĕ nibuḍu
(||iṁta||)
pĕnam̐geḍi vārigĕllā pĕchchurem̐gum̐ jĕmaḍalu
tanisinavārigaide dagadŏṭṭunu
manasemi dĕlisevu machchiga śhrī vĕṁkaḍeśha
yĕnasidimi yāsalu yĕdurĕkkĕnibuḍu