ఇంతకంటె నేమిసేసే మిదే మా మానసపూజ
(॥పల్లవి॥)
ఇంతకంటె నేమిసేసే మిదే మా మానసపూజ
సంతతము నీవు తొల్లే సర్వసంపన్నుఁడవు
(॥ఇంత॥)
అంతర్యామివైన మీకు నావాహనమదివో
అంతటా విష్ణుఁడ మీకు నాసనము వేసినది
పంతపుఁకోనేరే మీకుఁ బలుమారు నర్ఘ్యము
చెంతనే గంగాజలముచల్లే మీకుఁ బాద్యము
(॥ఇంత॥)
జలధు లన్నియును నాచమనియ్యము మీకు
అల యా వరుణజల మిదియే స్నానము
వలనుగా మీమహిమలే వస్త్రాభరణములు
అల వేదములే మీకు యజ్ఞోపవీతము
(॥ఇంత॥)
ఇరవుగఁ గుబ్జ తొల్లిచ్చినదే మీకు గంధము
ధర మాలాకారుని పూదండలే మీకు పువ్వులు
ఉరుగతి మౌనుల హోమమే మీకు ధూపము
తిరమైన మీకు రవితేజమే దీపము
(॥ఇంత॥)
నానామృతములే మీకు నైవేద్యతాంబులములు
పూనిన భక్తి షోడశోచారములు
ఆనుక శ్రీవేంకటేశ అలమేల్మంగపతివి
తానకపు జపములే తగ మీకు నుతులు
(||pallavi||)
iṁtagaṁṭĕ nemisese mide mā mānasabūja
saṁtadamu nīvu tŏlle sarvasaṁpannum̐ḍavu
(||iṁta||)
aṁtaryāmivaina mīgu nāvāhanamadivo
aṁtaḍā viṣhṇum̐ḍa mīgu nāsanamu vesinadi
paṁtabum̐konere mīgum̐ balumāru narghyamu
sĕṁtane gaṁgājalamusalle mīgum̐ bādyamu
(||iṁta||)
jaladhu lanniyunu nāsamaniyyamu mīgu
ala yā varuṇajala midiye snānamu
valanugā mīmahimale vastrābharaṇamulu
ala vedamule mīgu yajñobavīdamu
(||iṁta||)
iravugam̐ gubja tŏllichchinade mīgu gaṁdhamu
dhara mālāgāruni pūdaṁḍale mīgu puvvulu
urugadi maunula homame mīgu dhūbamu
tiramaina mīgu ravidejame dībamu
(||iṁta||)
nānāmṛtamule mīgu naivedyadāṁbulamulu
pūnina bhakti ṣhoḍaśhosāramulu
ānuga śhrīveṁkaḍeśha alamelmaṁgabadivi
tānagabu jabamule taga mīgu nudulu