(॥పల్లవి॥)
ఇంతగాలమాయను యేడనున్నారో వీరు
వింతలై యడవిఁ గా సే వెన్నెలాయ బ్రదుకు
(॥ఇంత॥)
యేలేవారి దూరితి యెడరు వుట్టినవేళ
కాలమును దూరితిని కలఁగేవేళ
తాలిమిలేని వేళ తగుఁగర్మము దూరితి
యేలాగని కాచేవారి నెవ్వరిఁ గానము
(॥ఇంత॥)
దైవమును దూరితి తమకించినట్టివేళ
కావించి నన్నే దూరితిఁ గాఁగినవేళ
సోవగాఁ గోపపు వేళ చుట్టాల దూరితిమి
యీవలఁ దోడైనవారి నెవ్వరిఁ గానము
(॥ఇంత॥)
పుట్టుగు దూరితిమి పోరానియట్టివేళ
కట్టఁగడ నెందువంకఁ గానమైతిమి
జట్టి శ్రీవేంకటేశుఁడు శరణంటేనే కాచె
యిట్టె యింతటివారు యెవ్వరును లేరు
(||pallavi||)
iṁtagālamāyanu yeḍanunnāro vīru
viṁtalai yaḍavim̐ gā se vĕnnĕlāya bradugu
(||iṁta||)
yelevāri dūridi yĕḍaru vuṭṭinaveḽa
kālamunu dūridini kalam̐geveḽa
tālimileni veḽa tagum̐garmamu dūridi
yelāgani kāsevāri nĕvvarim̐ gānamu
(||iṁta||)
daivamunu dūridi tamagiṁchinaṭṭiveḽa
kāviṁchi nanne dūridim̐ gām̐ginaveḽa
sovagām̐ gobabu veḽa suṭṭāla dūridimi
yīvalam̐ doḍainavāri nĕvvarim̐ gānamu
(||iṁta||)
puṭṭugu dūridimi porāniyaṭṭiveḽa
kaṭṭam̐gaḍa nĕṁduvaṁkam̐ gānamaidimi
jaṭṭi śhrīveṁkaḍeśhum̐ḍu śharaṇaṁṭene kāsĕ
yiṭṭĕ yiṁtaḍivāru yĕvvarunu leru