ఇంతటి దైవము లేఁడు యెందుఁ జెప్పి చూపఁగ
(॥పల్లవి॥)
ఇంతటి దైవము లేఁడు యెందుఁ జెప్పి చూపఁగ
వంతులకుఁ గొలిచేటివారి భాగ్య మిఁకను
(॥ఇంత॥)
గక్కన మన్మథునిఁ గన్నతండ్రి గనక
యెక్కువ చక్కఁదనాల కితఁడే దొడ్డ
నిక్కపు సూర్యచంద్రాగ్నినేత్రుఁడు గనక
దిక్కులఁ గాంతుల నీ దేవుఁడే దొడ్డ
(॥ఇంత॥)
అంచెల లక్ష్మికి మగఁడై నాఁడు గనక
యెంచ రాని సంపదల కితఁడే దొడ్డ
పంచినచోటఁ జక్రము పంపు చేసీఁ గనక
మించిన ప్రతాపాన మిక్కిలిని దొడ్డ
(॥ఇంత॥)
దైవికపుఁ బురుషోత్తముఁ డితఁడు గనక
దేవతల కెల్లా నీ దేవుఁడే దొడ్డ
వావాత శ్రీవేంకటాద్రి వరములిచ్చీఁ గనక
యేవల దాతలలోన నితఁడే దొడ్డ
(||pallavi||)
iṁtaḍi daivamu lem̐ḍu yĕṁdum̐ jĕppi sūbam̐ga
vaṁtulagum̐ gŏliseḍivāri bhāgya mim̐kanu
(||iṁta||)
gakkana manmathunim̐ gannadaṁḍri ganaga
yĕkkuva sakkam̐danāla kidam̐ḍe dŏḍḍa
nikkabu sūryasaṁdrāgninetrum̐ḍu ganaga
dikkulam̐ gāṁtula nī devum̐ḍe dŏḍḍa
(||iṁta||)
aṁchĕla lakṣhmigi magam̐ḍai nām̐ḍu ganaga
yĕṁcha rāni saṁpadala kidam̐ḍe dŏḍḍa
paṁchinasoḍam̐ jakramu paṁpu sesīm̐ ganaga
miṁchina pradābāna mikkilini dŏḍḍa
(||iṁta||)
daivigabum̐ buruṣhottamum̐ ḍidam̐ḍu ganaga
devadala kĕllā nī devum̐ḍe dŏḍḍa
vāvāda śhrīveṁkaḍādri varamulichchīm̐ ganaga
yevala dādalalona nidam̐ḍe dŏḍḍa