(॥పల్లవి॥)
ఇంతటి దైవమవు మాకు నిటు నీవు గలుగఁగ
యెంతవారమో భాగ్య మేమిచెప్పే దిఁకను
(॥ఇంత॥)
తలకొని వొకకొంతధనము గనినవాఁడు
వెలలేనిగర్వముతో విఱ్ఱవీఁగీని
బలువుతో వొకరాజుఁ బట్టి కొలిచినవాఁడు
సలిగెతో నాకెవ్వరురి యనీని
(॥ఇంత॥)
వింతగా నొకపరుసవేది చేతఁగలవాఁడు
యెంతవారిఁ గైకోఁడు యెక్కువడంటాను
పొంత నొకమంత్రము పంపుసేయించుకొనేవాఁడు
అంతటికి గురుఁడంటానని మురిసీని
(॥ఇంత॥)
యెగువ నొకదుర్గము నెక్కుక యేలేవాఁడు
పగవారిఁ గైకొనక బలువయ్యీని
అగపడి శ్రీవేంకటాద్రిమీఁదనున్న నిన్నుఁ
దగ నమ్మినట్టివాఁడ ధన్యుఁడ నేను
(||pallavi||)
iṁtaḍi daivamavu māgu niḍu nīvu galugam̐ga
yĕṁtavāramo bhāgya memisĕppe dim̐kanu
(||iṁta||)
talagŏni vŏgagŏṁtadhanamu ganinavām̐ḍu
vĕlalenigarvamudo viṭravīm̐gīni
baluvudo vŏgarājum̐ baṭṭi kŏlisinavām̐ḍu
saligĕdo nāgĕvvaruri yanīni
(||iṁta||)
viṁtagā nŏgabarusavedi sedam̐galavām̐ḍu
yĕṁtavārim̐ gaigom̐ḍu yĕkkuvaḍaṁṭānu
pŏṁta nŏgamaṁtramu paṁpuseyiṁchugŏnevām̐ḍu
aṁtaḍigi gurum̐ḍaṁṭānani murisīni
(||iṁta||)
yĕguva nŏgadurgamu nĕkkuga yelevām̐ḍu
pagavārim̐ gaigŏnaga baluvayyīni
agabaḍi śhrīveṁkaḍādrimīm̐danunna ninnum̐
daga namminaṭṭivām̐ḍa dhanyum̐ḍa nenu