ఇంతటఁ బో కానవచ్చు నెక్కువ తక్కువలెల్ల
(॥పల్లవి॥)
ఇంతటఁ బో కానవచ్చు నెక్కువ తక్కువలెల్ల
దొంతి ఇంద్రియాలకెల్లఁ దొలఁగి వుంటేను
(॥ఇంత॥)
మాటలాడవచ్చుఁ గాని మనసులు పట్టరాదు
చాటువకెక్కినయట్టి సతులఁ గంటే
కోటి చదువఁగవచ్చు కోపము నిలుపరాదు
జూటరై వొకఁడు దన్ను సోఁకనాడితేను
(॥ఇంత॥)
అందరి దూషించవచ్చు నాసలు మానఁగరాదు
కందువైన మించుల బంగారు గంటే
అందాల మొక్కఁగవచ్చు హరిభక్తి సేయరాదు
పొందుల సంసారపు భోగము గంటేను
(॥ఇంత॥)
మొదలఁ బుట్టగవచ్చు మోక్షముఁ బొందఁగరాదు
పొదిగి పుణ్యరాసుల భోగము గంటే
యెదుట శ్రీవేంకటేశ ఇదివో నీశరణంటే
కదిసితి నిట్టే పో నీకరుణ గంటేను
(||pallavi||)
iṁtaḍam̐ bo kānavachchu nĕkkuva takkuvalĕlla
dŏṁti iṁdriyālagĕllam̐ dŏlam̐gi vuṁṭenu
(||iṁta||)
māḍalāḍavachchum̐ gāni manasulu paṭṭarādu
sāḍuvagĕkkinayaṭṭi sadulam̐ gaṁṭe
koḍi saduvam̐gavachchu kobamu nilubarādu
jūḍarai vŏgam̐ḍu dannu som̐kanāḍidenu
(||iṁta||)
aṁdari dūṣhiṁchavachchu nāsalu mānam̐garādu
kaṁduvaina miṁchula baṁgāru gaṁṭe
aṁdāla mŏkkam̐gavachchu haribhakti seyarādu
pŏṁdula saṁsārabu bhogamu gaṁṭenu
(||iṁta||)
mŏdalam̐ buṭṭagavachchu mokṣhamum̐ bŏṁdam̐garādu
pŏdigi puṇyarāsula bhogamu gaṁṭe
yĕduḍa śhrīveṁkaḍeśha idivo nīśharaṇaṁṭe
kadisidi niṭṭe po nīgaruṇa gaṁṭenu