(॥పల్లవి॥)
ఇంతటా హరినేకాని యెందునను గాన నన్ను
కొంత నాకుఁ దెలుపరో గురువులాల
(॥ఇంత॥)
తనువూ హరియే తలఁపూ హరియే
వినికి మనికియును విష్ణుఁడే
కనుఁగొను చూపులు కమలనాభుఁడే
యెనసి జీవునిశక్తి యేడనేడ నున్నదో
(॥ఇంత॥)
లోకమెల్ల మాధవుఁడే లోనెల్లఁ గేశవుఁడే
వాకును కర్మము శ్రీవైకుంఠుఁడే
చేకొని చైతన్యమెల్ల శ్రీనారాయణుఁడే
యీకడ నే ననువాఁడ నేడ నుండువాఁడనో
(॥ఇంత॥)
వెనకను కృష్ణుఁడే వెస ముం దచ్యుతుఁడే
కొనమొదలు నడుము గోవిందుఁడే
యెనయఁగ శ్రీవేంకటేశుమయ మింతాను
అనుగు నాస్వతంత్ర మది యేడనున్నదో
(||pallavi||)
iṁtaḍā harinegāni yĕṁdunanu gāna nannu
kŏṁta nāgum̐ dĕlubaro guruvulāla
(||iṁta||)
tanuvū hariye talam̐pū hariye
vinigi manigiyunu viṣhṇum̐ḍe
kanum̐gŏnu sūbulu kamalanābhum̐ḍe
yĕnasi jīvuniśhakti yeḍaneḍa nunnado
(||iṁta||)
logamĕlla mādhavum̐ḍe lonĕllam̐ geśhavum̐ḍe
vāgunu karmamu śhrīvaiguṁṭhum̐ḍe
segŏni saidanyamĕlla śhrīnārāyaṇum̐ḍe
yīgaḍa ne nanuvām̐ḍa neḍa nuṁḍuvām̐ḍano
(||iṁta||)
vĕnaganu kṛṣhṇum̐ḍe vĕsa muṁ dachyudum̐ḍe
kŏnamŏdalu naḍumu goviṁdum̐ḍe
yĕnayam̐ga śhrīveṁkaḍeśhumaya miṁtānu
anugu nāsvadaṁtra madi yeḍanunnado